Thane Bandh : मराठा संघटनांकडून आज ठाणे बंद, पोलिसांचा कडेकोट बंदोबस्त

मराठा क्रांती मोर्चा, सकल मराठा समाजाकडून आज ठाणे बंद पुकारण्यात आला आहे.

जालन्यात झालेल्या घटनेचा निषेध व्यक्त करण्यासाठी तसेच मराठा आरक्षण लवकरात लवकर मिळावे यासाठी हा बंद आहे.

या ठाणे बंदला ठाणेकरांचा देखील चांगला प्रतिसाद मिळताना दिसत आहे.

ठाणे पूर्व येथील कोपरी परिसरात सुरु असलेल्या रिक्षाचालकांना आंदोलकांनी हात जोडून रिक्षा बंद ठेवण्याची विनंती केली.

महाविकास आघाडी आणि मनसेकडून या बंदला जाहीर पाठिंबा असल्याने पोलिसांचा देखील चोख बंदोबस्त तैनात आहे.

या बंदला हिंसक वळण लागू नये यासाठी पोलीस प्रशासन अलर्ट मोडवर आहे.

सुमारे दोन हजार पोलीस अधिकारी आणि कर्मचारी शहरात तैनात आहेत.

तसेच पालकमंत्री शंभूराजे देसाई यांचा आजचा नियोजित ठाणे दौरा देखील रद्द करण्यात आला आहे.