Pune Ganeshotsav 2023 : गणोबाची बॅटिंग अन् उंदीर मामाची बॉलिंग; पुण्यात गणपतीसमोर IPL देखावा

पुणे शहरातील गणेशोत्सव पाहण्यासाठी देशभरातून भाविकांची हजेरी असते.

पुणे शहरातील सार्वजनिक मंडळांचा असा उत्साह असताना घरगुती गणपतीही आकर्षणाचे केंद्र ठरले आहे.

पुण्यातील धायरीमध्ये मिलिंद पोकळे यांनी घरगुती गणपतीसमोर केलेला देखावा पाहण्यासाठी मोठ्या संख्येने भाविक येत आहे.

पुणे येथील धायरीमधील मिलिंद पोकळे यांनी क्रिकेट सामन्याचा देखावा साकारला आहे.

त्यांनी आपल्या घरातील गणपतीसमोर आयपीएल क्रिकेटची आरास तयार केली आहे.

आयपीएलचा थरार एका रंगतदार सामन्यातून दिसत आहे. या आरासमध्ये प्रेक्षक गॅलरी तयार केली आहे.

क्रिकेटर्सच्या माहितीचे दालन उभारले आहे. डे नाईट प्रकाशझोताचा सामना तयार करुन लाईव्ह प्रेक्षपणाची हुबेहूब मांडणी साकारली आहे.

गणरायचे वाहन असलेला मूषक खेळाडू म्हणून दाखवण्यात आले आहे.

क्रिकेटचा देव म्हणून ओळख असलेल्या क्रिकेटर सचिन तेंडुलकर यांना गणेशाच्या वेशभूषेत फलंदाजी करताना दाखवले आहे.