Nagpur Leopard: डार्ट लागून गुंगीचं औषध शरीरात भिनलं, तरीही बिबट्याची 15 फूट उंच उडी, अखेर गच्चीतून खाली पडला, नागपूरमध्ये बिबट्याला पकडण्याचा थरार

Nagpur leopard attack news: नागपुरात बिबट्याचा धुमाकूळ परडीत वनविभागाकडून रेस्क्यू ऑपरेशन, अनेकांवर हल्ला केल्याची माहिती. या बिबट्याला पकडण्यात आले आहे.

Nagpur leopard attack

नागपूरच्या शिवनगर परिसरात दाट लोकवस्तीमध्ये बिबट शिरल्यामुळे मोठी खळबळ माजली. या बिबट्याला एक तासाच्या रेस्क्यू ऑपरेशनंतर पकडण्यात आले आहे.

सकाळी साडेपाच ते सहा वाजताच्या दरम्यान बिबट्याने या परिसरातील चार जणांना जखमी केले होते. त्यानंतर पोलिसांनी बिबट लपून बसलेल्या घराच्या अवतीभवती कडक पहारा ठेवला होता.

वनविभागाने याठिकाणी आल्यानंतर या बिबट्याला बेशुद्ध करण्यासाठी प्रयत्न सुरु केले.

वनविभागाच्या कर्मचाऱ्यांनी बंदुकीतून बिबट्याच्या शरीरावर दोन डार्ट मारले.

हे डार्ट लागल्यानंतर गुंगीचे औषध बिबट्याच्या शरीरात भिनायला लागले.

मात्र, त्याअवस्थेतही बिबट्याने 15 फूट उंच उडी मारली आणि दुसऱ्या गच्चीत जाण्याचा प्रयत्न केला.

मात्र, डोळ्यांवर गुंगीची झापड असल्यामुळे या बिबट्याला गच्चीत नीट चढता आले नाही.

गुंगीचे औषध शरीरात भिनल्यामुळे हा बिबट्या गच्चीतून पुन्हा खाली पडला.

हा बिबट्या खाली पडू नये, यासाठी धडपड करत होता. मात्र, अखेर तो गच्चीतून खाली पडला.

हा बिबट्या खाली पडल्यानंतर वनखात्याच्या अधिकाऱ्यांनी त्याला उचलले.

हा बिबट्या उंचीवरुन खाली पडल्यामुळे त्याला दुखापत झाल्याची शक्यता आहे.

बघ्यांची मोठी गर्दी आणि सातत्याने केल्या जाणारा आवाज यामुळे बिबट्याला पकडण्यामध्ये अडचणी आल्या.