Photos : श्रीखंड द्या, भूखंड घ्या; खोके सरकार हाय-हाय च्या घोषणांनी दणाणला परिसर, सत्ताधारीही पायऱ्यांवर

Nagpur Winter Session : नागपूरात सध्या हिवाळी अधिवेशन सुरु असून दुसऱ्या आठवड्यातील आजचे पहिले दिवस आहे. दररोजप्रमाणे आजही अधिवेशनाचे सत्र सुरु होण्यापूर्वी सत्ताधारी आणि विरोधक एकमेकांसमोर आले आहे.

राज्य सरकारविरोधात महाविकास आघाडीचे आमदार विधान भवनाबाहेर एकत्र आले आणि घोषणा दिल्या.

हिवाळी अधिवेशनाच्या दुसऱ्या आठवड्याचे आजचे पहिले दिवस असून आजही सत्ताधारी आणि विरोधी पक्षातील आमदार एकमेकांसमोर आले.

श्रीखंड द्या, भूखंड घ्या, खोके सरकार हाय-हाय, राज्यपाल हटाओ-महाराष्ट्र बचाओ आदी घोषणांनी विरोधकांनी सत्ताधाऱ्यांवर निशाना साधला.

दाऊदच्या हस्तांचे करायचे काय, खाली डोकं वरती पाय; आदी घोषणांना सत्ताधारी आमदारांनीही विरोधकांना डिचवण्याचा प्रयत्न केला.

महाविकास आघाडीचे आमदार विधानभवनाच्या पायऱ्यांवर येताच सत्ताधारी आमदारही पायऱ्यांवर पोहोचले आणि घोषणाबाजी सुरु केली.

आज आदित्य ठाकरेही आक्रमक पवित्र्यात दिसून आले. त्यांनीही सत्ताधाऱ्यांविरोधात जोरदार घोषणाबाजी केली.

Continues below advertisement

गेल्या आठवड्यात हिवाळी अधिवेशनात आदित्य ठाकरे यांच्या विरोधात सत्ताधारी आमदारांनी आरोप लावण्यास सुरुवात केल्यावर आदित्य ठाकरे यांचेही आक्रमक रुप बघायला मिळाले.

सत्ताधाऱ्यांनी दाऊदशी संबंधित महिलेला पाठीशी घालणाऱ्या युवा सेनेच्या नेत्यांवर कारवाई करा असे फलक हातात घेऊन विधानभवनाच्या पायऱ्यांवर घोषणा दिल्या.

दाऊदशी संबंधित महिलेला फेूस लावणाऱ्या युवा सेनेच्या नेत्याचा धिक्कार असो, असे फलकही सत्ताधारी आमदारांच्या हातात दिसले.

मविआच्या आमदारांनी 'कर्नाटक सरकारचा जाहीर निषेध' चे फलक हातात घेऊन 'सीमा प्रश्नी भूमिका घ्या, नाहीतर खुर्च्या खाली करा' अशा घोषणा दिल्या.

सत्ताधारी आणि विरोधक आमदार एकत्र येऊन एकमेकांविरोधात घोषणा देत असल्याने विधानभवन परिसर दणाणून निघाला.