In Pics | सकाळी 6 वाजता कोरोना नसतो; दादरमध्ये बेजबाबदारपणाचा कळस

वाढत्या कोरोनाच्या पार्श्वभूमीवर राज्य शासनानं काही कठोर निर्बंध लागू केले. पण, हे नियम लागू करत असताना यातून जीवनावश्यक गोष्टींची दुकानं, भाजी मंडई, वगैरे वगळण्यात आली.

नागरिकांची कोणत्याही प्रकारे गैरसोय होऊ नये हाच प्रशासनाचा हेतू होता. पण, याचाच गैरफायदा घेत नागरिकांनी मात्र पुन्हा एकदा बेजबाबदारपणाचं वर्तन करत कोरोना नियमांचं सर्सा उल्लंघन केलं आहे.

संचारबंदीचे नियम लागू असताना दादर भाजी मार्केट, फुल मार्केट येथे सकाळी सहा वाजता तुडूंब गर्दी पाहायला मिळाली.

इथं सोशल डिस्टन्सिंग दूरदूरपर्यंत दिसत नव्हतंच, पण सोबतच अनेकांच्या तोंडावर मास्कही नव्हता.

नागरिकांचा असाच बेजबाबदारपणा सुरु राहिल्यास, येत्या काळात मुंबईत आणि महाराष्ट्रात थेट लॉकडाऊनच लागू केला तर यात नवल वाटण्यासारकं काही नाही. नागरिकांनो भानावर या, नियम पाळा कोरोना टाळा!