Mumbai Accident : मुंबईतील वेस्टर्न एक्स्प्रेसवेवर टेम्पो आणि बसची धडक होऊन अपघात

Mumbai Accident : मुंबईतील वेस्टर्न एक्स्प्रेस हायवेवरील वाकोला ब्रिजवर मध्यरात्री टेम्पो आणि बसमध्ये धडक होऊन अपघात झाला. या अपघातात टेम्पो चालकाचा मृत्यू झाला.

Mumbai Accident On Wester Express Highway

मुंबईतील वेस्टर्न एक्स्प्रेस हायवेवरील वाकोला ब्रिजवर मध्यरात्री मोठी दुर्घटना झाली.

टेम्पो आणि बसमध्ये धडक होऊन अपघात झाला. या अपघातात टेम्पो चालकाचा मृत्यू झाला. तर बसचा चालकाने घटनास्थळावरुन पोबारा केला.

महत्त्वाचं म्हणजे या बसमध्ये कॅथे पॅसिफिक एअरलाईन्सचे कर्मचारी होते, जे ताज लॅण्ड्ल एंड हॉटेलमध्ये जात होते. हे सर्व कर्मचारी परिदेशी नागरिक आहेत.

अपघातात बसमध्ये असलेल्या एका महिलेच्या नाकाला दुखापत झाल्याची माहिती पोलिसांकडून मिळाली आहे

तसंच बसमधील सर्व कर्मचारी परदेशी नागरिक आहे आणि सर्व जण सुरक्षित आहेत.

अपघातामुळे वेस्टर्न एक्स्प्रेस हायवेवर वाहतूक कोंडी झाल्याचं पाहायला मिळालं.

तर टेम्पोमधून माशांची वाहतूक करण्यात येत होती. अपघातानंतर मासे रस्त्यावर पडले. यामुळे रस्ता देखील निसरडा झाला होता.

घटनास्थळावर उपस्थित मुंबई पोलीस, वाहतूक पोलीस, अग्निशमन दलाचे जवान बसमधील कर्मचाऱ्यांची विचारपूस करत होते. पोलीस सध्या या दुर्घटनेबाबत अधिक तपास करत आहेत.

मध्यरात्री 1.30 च्या सुमारास हा अपघात झाला. या अपघातात टेम्प चालकाचा मृत्यू झाला आहे तर बस चालकाने पोबारा केला आहे. त्याचा शोध सुरु असल्याची माहिती वाकोला पोलिसांनी दिली.