Thane Fire : ठाणे: शिळफाटामध्ये चार गोदामांना भीषण आग, जीवितहानी नाही

ठाण्यातील शिळफाटा भागातील आचार गल्लीमध्ये रात्री 3 वाजण्याच्या सुमारास गोदामांना आग लागली.

या भीषण आगीत 4 ते 5 गोदाम जळून खाक झाली आहेत. या आगीत कोणी जखमी झाले नाही.

ही गोदामे प्लास्टिक भंगाराची होती. यामध्ये मोठ्या प्रमाणावर प्लास्टिकच्या वस्तूंचा साठा होता.

आग लागल्याची माहिती मिळताच अग्निशमन दलाच्या जवानांनी आगीवर नियंत्रण मिळवण्याचे प्रयत्न सुरू केले. ठाणे अग्निशमन दलाचे 7 तर नवी मुंबई अग्निशमन दलाचे 2 गाड्या आग विझवण्यासाठी वापरण्यात आल्या.

आगीवर नियंत्रण मिळवण्यासाठी काही तासांचा अवधी लागला. सकाळपर्यंत आग नियंत्रणात आणण्याचे प्रयत्न सुरू होते.

गोदामांना नेमकी आग कशामुळे लागली, याची माहिती समोर आली नाही. आगीचे नेमकं कारण समोर आले नाही.