PHOTO : शिर्डीत दहीहंडी फोडून रामनवमी उत्सवाची सांगता

Ram Navami : शिर्डी येथील साई मंदिरात तीन दिवस चाललेल्या रामनवमी उत्सवाची आज काल्याच्या किर्तनानंतर पारंपारिक पद्धतीने दहिहंडी फोडून सांगता झाली.

साईबाबा संस्थानच्या कार्यकारी अधिकारी भाग्यश्री बानायत आणि त्यांचे पती संजय धिवरे यांच्या हस्ते गुरूस्थान मंदिरात रूद्राभिषेक करण्यात आला. त्यानंतर साईमंदिरात दहिहंडी फोडण्यात आली.

रामनवमी उत्सवाच्या तीन दिवसात तीन लाखांहून अधिक भाविकांनी साई दरबारी हजेरी लावली.

एक लाख साठ हजार भाविकांनी साई प्रसादालयात मोफत प्रसाद भोजनाचा लाभ घेतला.

शिर्डी ग्रामस्थांकडून रामनवमीनिमित्त बैलगाडा शर्यत, कुस्ती स्पर्धा, लोकनाट्य तमाशासह विविध कार्यक्रमांचे आयोजन करण्यात आले.

पुढील तीन दिवसांत उर्वरीत कार्यक्रम पार पडणार आहेत.

शिर्डीत तीन दिवसीय रामनवमी उत्सवानिमित्त मंदिरावर आकर्षक विद्युत रोषणाई करण्यात आली होती. पालख्यांच्या आगमनाने साईनगरीत उत्साहाचे वातावरण होते.