टँकरचा धडकेत कंटेनरची एक बाजू कापत गेली, उलट्या दिशेने टँकरही पलटी,मुंबई गोवा महामार्गावर भीषण अपघात

मुंबई-गोवा महामार्गावर जानवली येथे पाण्याचा टँकर आणि कंटेनर यांच्यात भीषण अपघात झाला. जोरदार धडक दिल्याने कंटेनरचा एका बाजूचा पूर्ण भाग अक्षरश: कापत गेला.

टँकरला धक्का बसल्यानंतर तो मुंबईच्या दिशेने फिरून रस्त्यावर पलटी झाला. अपघातामुळे महामार्गावर काही काळ वाहतूक ठप्प झाली.

कंटेनर कापत गेल्याने महामार्गावर कंटेनर मधील भाजीचा खच पडला आहे.

या अपघातात सुदैवाने कुणालाही मोठी दुखापत झाली नसली तरी अपघातग्रस्त वाहने बाजूला करेपर्यंत महामार्गावरून एकेरी वाहतूक सुरू करण्यात आली.

वाहतुकीला अडथळा निर्माण झाल्याने प्रवाशांना काही काळ वाहतूक कोंडीचा सामना करावा लागला.

प्रशासनाने घटनास्थळी पोहोचून महामार्गावरील वाहतूक सुरळीत करण्याचे प्रयत्न सुरू केले.