Assembly Election : वडील निवडणुकीच्या रिंगणात तर मुली प्रचाराच्या मैदानात

पाच राज्यांतील विधानसभा निवडणुकीची रणधुमाळी सुरू आहे. पंजाबमध्ये अकाली दलाचे नेते सुखबीर सिंह बादल यांच्यासाठी त्यांची मुलगी हरकीरत कौर प्रचार करत आहे. दिल्ली विद्यापीठातून हरकिरत कौरने पदवीचे शिक्षण घेतले आहे.

माजी मुख्यमंत्री कॅप्टन अमरिंदर सिंह यांची मुलगी जयइंदर कौर यांनी प्रचाराची धुरा सांभाळली आहे. याआधी त्यांनी 2017 विधानसभा आणि 2019 लोकसभा निवडणुकीत प्रचार केला होता.

काँग्रेसचे पंजाब प्रदेशाध्यक्ष नवज्योत सिंह सिद्धू यांची कन्या राबिया देखील प्रचारात उतरली आहे.

दिल्लीचे मुख्यमंत्री अरविंद केजरीवाल यांची मुलगी हर्षितादेखील पंजाबमध्ये घरोघरी जाऊन प्रचार करत आहे.

ईडीचे माजी अधिकारी आणि भाजपचे नेते राजेश्वर सिंह उत्तर प्रदेशमधून निवडणुकीच्या रिंगणात आहेत. त्यांची 12 वर्षीय मुलगी राजलक्ष्मी प्रचारात उतरली आहे.