Leopard : लोणार वन्यजीव अभयारण्यात बिबट्यांचा मुक्तसंचार

बुलढाण्यातील लोणार सरोवर परिसरातील अभयारण्यात सध्या बिबट्यांचा मुक्तसंचार बघायला मिळत आहे.

पावसामुळे लोणार अभयारण्य हिरवळीने फुलून निघालं आहे.

त्यामुळे दाट हिरवळीत बिबट्यांचा मुक्तसंचार कॅमेरात कैद झाला.

लोणार सरोवराचे अभ्यासक सचिन कापुरे यांनी बिबट्यांचा मुक्तसंचार कैद केला.

लोणार सरोवर परिसरात वेगवेगळ्या ठिकाणी मादा बिबट आणि दोन बछडे दिसल्याचं सचिन कापुरे यांनी सांगितलं.

बिबट्याला कॅमेरामध्ये कैद करताना अंगावर शहरा येत होता कारण ते खूपच सुंदर आणि थोडे भीतीदायकही दिसत होते, असं सचिन कापुरे यांनी सांगितलं.

लोणारमध्येही बिबट्यांची संख्या वाढल्यामुळे पर्यटकांनी त्यांची स्वतःची काळजी घेणे खूपच गरजेचे आहे, असं कापुरे म्हणाले.

कापुरे सांगतात की, मोठ्या आवाजाची शिट्टी, छत्री आपल्याजवळ ठेवावी, कारण बिबट हा भित्रा प्राणी असल्याने छत्री जोरात उघडल्याने तो पळून जातो.

जवळजवळ 7 ते 8 बिबट या परिसरात वावर करत असतात, असं त्यांनी सांगितलं.