Shravan Somvar 2023: परळीतील वैद्यनाथ ज्योतिर्लिंगाच्या दर्शनासाठी भाविकांची मोठी रीघ

बारा ज्योतिर्लिंगापैकी एक असलेल्या परळी येथील वैद्यनाथ मंदिरात दुसऱ्या श्रावण सोमवार निमित्ताने भाविकांची दर्शनासाठी मोठी गर्दी पाहायला मिळाली.

श्रावण सोमवारच्या निमित्ताने याच वैद्यनाथाच्या मंदिरावर आकर्षक फुलांची सजावट करण्यात आली असून, आकर्षक अशी विद्युत रोषणाई देखील करण्यात आली आहे.

प्रभू वैद्यनाथाचे दर्शन घेण्यासाठी महाराष्ट्रातूनच नव्हे तर इतर राज्यातून देखील मोठ्या प्रमाणात भाविक येत असतात.

भाविकांची होणारी गर्दी लक्षात घेता त्यांची गैरसोय होऊ नये यासाठी वैद्यनाथ देवस्थान ट्रस्टच्या वतीने विशेष सुविधा उपलब्ध करण्यात आले आहे.

त्यामध्ये सीसीटीव्ही कॅमेरे आणि पोलिसांचा देखील बंदोबस्त देखील मंदिर परिसरामध्ये तैनात करण्यात आला आहे.

श्रावण महिन्यामध्ये प्रभू वैद्यनाथाचे दर्शन घेण्यासाठी भाविक मंदिरात मोठी गर्दी करत असतात, त्यातच आज दुसरा सोमवार असल्याने दर्शनासाठी आलेल्या भाविकांची मोठी रीघ पाहायला मिळाली.

विशेष म्हणजे पहिल्या श्रावण सोमवारी सुद्धा अशीच काही गर्दी पाहायला मिळाली होती.