PHOTO : हैदराबादमधील भक्ताकडून साईचरणी 40 लाखांचा सुवर्ण मुकुट अर्पण

साईबाबांच्या दरबारात सामान्य भक्तापासून व्हीआयपी भक्त हजेरी लावतो. आपल्या मनोकामना पूर्ण व्हाव्यात अशी अपेक्ष सर्व भक्तांची असते.

आज हैदराबाद येथील डॉ. रामकृष्णा मांबा यांनी आपल्या पत्नीची इच्छा पूर्ण करत सुमारे 40 लाख रुपये किंमतीचा 742 ग्रॅम वजनाचा सुवर्ण मुकुट साईबाबांच्या चरणी अर्पण केला आहे.

ज्या भक्तांना आपल्या मनोकामना पूर्ण झाल्या असं वाटंत ते साईंच्या झोळीत आपल्या इच्छाशक्तीप्रमाणे दहा रुपयांपासून ते लाखो रुपयांच दान टाकतात.

आज माध्यान्ह आरतीला हैदराबाद येथील डॉ रामकृष्ण मांबा आणी श्रीमती रत्ना मांबा यांच्या परिवाराने हजेरी लावून श्री साई समाधीचे मनोभावे दर्शन घेतले.

यावेळी त्यांनी 1992 साली साईबाबांना केलेल्या नवसाची फेड म्हणून सुमारे 40 लाख रुपये किंमतीचा 742 ग्रॅम वजनाचा सुवर्ण मुकुट साईबाबांना अर्पण केला.