विटामिन D मिळवण्यासाठी रोज किती वेळ सूर्यप्रकाशात बसावं? जाणून घ्या योग्य वेळ आणि पद्धत

विटामिन D कॅल्शियम आणि फॉस्फरसचं शोषण सुधारतं, ज्यामुळे हाडं मजबूत राहतात आणि ऑस्टिओपोरोसिस सारख्या आजारांचा धोका कमी होतो.

VitaminD

विटामिन D हे आपल्या शरीरासाठी अत्यंत आवश्यक असलेलं पोषक घटक आहे. हे फक्त हाडं मजबूत ठेवत नाही, तर शरीरातील अनेक महत्त्वाच्या कार्यांमध्ये देखील सहभागी असतं.

ण आश्चर्य म्हणजे भारतासारख्या उन्हाळी देशात राहूनही अनेक लोक विटामिन D च्या कमतरतेने त्रस्त आहेत. यामागचं मुख्य कारण म्हणजे बदललेला जीवनशैलीचा पॅटर्न.

आजच्या काळात बहुतांश लोक दिवसाचा बराचसा वेळ घरात, ऑफिसमध्ये किंवा बंद जागांमध्ये घालवतात. यामुळे त्वचेला सूर्यप्रकाश कमी प्रमाणात मिळतो आणि शरीरात नैसर्गिकरीत्या विटामिन D तयार होणं थांबतं.

हेल्थ एक्सपर्ट्सच्या मते, दररोज सकाळी ८ ते १० वाजेच्या दरम्यान किंवा सायंकाळी ३ ते ५ वाजेच्या दरम्यान सूर्यप्रकाशात बसणं सर्वात योग्य असतं. या वेळेत सूर्यकिरणांमधील UVB किरणं त्वचेवर पडल्यास शरीर नैसर्गिकरीत्या विटामिन D तयार करतं.

साधारणपणे १५ ते ३० मिनिटं सूर्यप्रकाशात राहिल्यास शरीराला आवश्यक प्रमाणात विटामिन D मिळू शकतं.

Continues below advertisement

विटामिन D मिळवण्यासाठी ऊन घेण्याचे काही नियम पाळणंही महत्त्वाचं आहे. चेहरा, बाहू, हात आणि पाय सूर्यप्रकाशात किमान २०-२५% उघडे असावेत.

काचेमागून ऊन घेण्याचा काही उपयोग होत नाही, कारण काचेतून UV किरणं आरपार जात नाहीत. ऊन घेताना सनस्क्रीनचा वापर करू नका, कारण तो विटामिन D तयार होण्याची प्रक्रिया थांबवतो.

जर तुम्हाला पुरेसं ऊन मिळत नसेल, तर आहारातूनही हे विटामिन मिळवता येतं. सॅल्मन, टूना फिश, अंड्याची पिवळी बलक, फोर्टिफाइड दूध, आणि मशरूम हे विटामिन D चे उत्तम स्रोत आहेत.