Cardamom Benefits : स्वयंपाकघरातील वेलचीचे एक नाही, दोन नाही तर आहेत अनेक फायदे...

स्वयंपाकघरातील वेलचीला मसाल्याची राणी म्हणून ओळखले जाते. सणवाराच्या दिवसांत वेलचीचा गोडाच्या पदार्थात अगदी हमखास वापर केला जातो.

मात्र, स्वयंपाकघरातील छोट्याशा वेलचीचे आरोग्याच्या दृष्टीने देखील खूप फायदे आहेत. हे फायदे कोणते ते जाणून घ्या.

कधीकधी चिंता आणि तणावामुळे डोकेदुखी होते. वरचेवर होणारी डोकेदुखी ही आजच्या जीवनात एक सामान्य गोष्ट आहे. अशा स्थितीत दोन लहान वेलची, 1 मोठी वेलची आणि 1 ग्रॅम कापूर बारीक करा. कपाळावर लावल्याने डोकेदुखी आणि तणाव वगैरे जे औषधाने बरे होत नाहीत ते कमी होतात.

दररोज एक चमचा मध घेऊन एक वेलची खाल्ल्याने दृष्टी सुधारते, मज्जासंस्था मजबूत होते आणि डोळ्यांच्या सामान्य आरोग्याचे रक्षण होते.

वेलचीचा माऊथ फ्रेशनर म्हणून सुद्धा वापर केला जातो. अनेक दातांशी संबंधित अनेक समस्या जसे की हिरड्यांना सूज येणे, दात किडणे, तोंडातून दुर्गंधी येणे अशा अनेक समस्यांवर वेलचीने मात करता येते.

तुम्ही वेलची नुसती चघळत असाल तरी फायदेशीर आहे. जर कोणत्याही कारणामुळे कर्कश आवाज किंवा घसा खवखवत असेल, तर सकाळी उठताना आणि रात्री झोपताना, चघळल्यानंतर छोटी वेलची (छोटी इलायची) खा आणि वरून कोमट पाणी प्या. भरपूर फायदा होईल आणि घसा सुटेल.

लहान वेलची खाऊन रक्त भिसरण सुरळीत होते. जे हृदयासाठी खूप फायदेशीर आहे. वेलची पूड आणि पिप्पली मुळाची पावडर समान प्रमाणात मिसळा. त्यात 1-2 ग्रॅम तुपाच्या दुप्पट प्रमाणात मिसळून घेतल्याने हृदयरोग आणि गॅसमुळे छातीत दुखण्यापासून आराम मिळतो.

टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.