Oscars 2022 : सर्वोत्कृष्ट अभिनेता म्हणून विल स्मिथ ऑस्करने पुरस्कृत, अष्टपैलू आहे 'फ्रेश प्रिन्सची' कारकिर्द

विल स्मिथ

अभिनेता, निर्माता, रॅपर अशा एक न अनेक कलांमध्ये तरबेज असणाऱ्या विल स्मिथला नुकतच यंदाचा ऑस्कर्स पुरस्कर मिळाला आहे.

अभिनेता विल स्मिथला 'किंग रिचर्ड' (King Richards) या चित्रपटासाठी बेस्ट अॅक्टर हा पुरस्कार प्रदान करण्यात आला. पुरस्कार घेताना त्याला गहिवरुन आलं होतं.

विल सर्वात आधी हिप हॉप गाण्यांमुळे प्रसिद्धीस आला. त्याने बालपणीचा मित्र जेफरीसोबत मिळून सर्वात आधी एक हीप हॉप ड्यओ बॅन्ड तयार करत अल्बम्स तयार केले.

अभिनय क्षेत्रात विलला सर्वात आधी छोट्या पडद्यावर प्रसिद्धी मिळाली. त्याने द फ्रेश प्रिन्स बेल एअर या टीव्ही सिरीयलमध्ये केलेल्या अभिनयामुळे ९० च्या दशकात त्याची लोकप्रियता तुफान वाढली. त्यासाठी त्याला काही पुरस्कार देखील मिळाले.

त्यानंतर बॅड बॉईस या 1995 साली प्रदर्शित झालेल्या अॅक्शन फिल्ममधून मोठ्या पडद्यावरही विलने त्याचा दबदबा निर्माण केला. यानंतर बॅड बॉयस 2 (2003) मधून त्याने पुन्हा एकदा अॅक्शनचा धडाकेबाज परफॉरमन्स सर्वांना दाखवला. 

मेन इन ब्लॅक या फिल्म सिरीजमधील विलची एजंट जेची भूमिका भारतीयांमध्ये त्याला लोकप्रिय करण्यात सर्वात यशस्वी ठरली. मेन इन ब्लॅकच्या तिन्ही पार्टमध्ये विलने दमदार अभिनय केला.  

हॉलीवुडमधील सर्वात लोकप्रिय चित्रपटांपैकी एक असणाऱ्या द परस्युट ऑफ हॅपिनेस  (The Pursuit of Happyness) या 2006 साली प्रदर्शित चित्रपटाने जगाच्या कानाकोपऱ्यातील प्रेक्षकांना विलच्या अॅक्शन व्यतीरिक्त अभिनयाची ओळख करुन दिली.

विलने अभिनेत्री शिरे हिच्यासोबत 1992 साली लग्न केलं. पण 3 वर्षात म्हणजेच 1995 मध्ये त्याने तिच्यापासून वेगळं होत जेडा पिंकेटसोबत लग्नगाठ बांधली.

दरम्यान विल आणि  शिर यांना एक मुलगा असून तोही अभिनेता आहे. ट्रे स्मिथ असं त्याचं नाव आहे.

तर जेडा आणि विल यांना एक मुलगा आणि मुलगी आहे. जेडन असं मुलाचं तर विलो असं मुलीचं नाव आहे.