OTT Release This Weekend : वीकेंडला मनोरंजनाचा तडका; ऑगस्टच्या शेवटच्या आठवड्यात ओटीटीवर काय पाहाल?

IC 814 - या वीकेंडला आयसी 814 ही वेब सीरिज रिलीज झाली आहे. कंदहार विमान अपहरणावर ही वेब सीरिज आधारीत आहे. 1999 मध्ये झालेल्या विमान अपहरणाची घटना ओटीटीवर पाहता येणार आहे. या घटनेमागील अनेक गोष्टी नव्याने उलगडण्याची शक्यता आहे. 29 ऑगस्टपासून नेटफ्लिक्सवरही वेब सीरिज रिलीज झाली आहे.

‘गॉडजिला एक्स कॉन्ग द न्यू अंपायर’ (Godzilla x Kong: The New Empire) या चित्रपटात गॉजिल आणि काँग यांची मानवतेविरोधातील संघर्ष दिसून येणार आहे. हा चित्रपट 29 ऑगस्ट रोजी जिओ सिनेमावर रिलीज झाला आहे.

अल्लू सिरीश यांची वेब सीरिज Buddy ची कथा ही एअर ट्राफिक कंट्रोलर ऑफिसर पल्लवीच्या भोवती फिरणारी आहे. तिच्या मृत्यूनंतर तिचा आत्मा एका टेडी बिअरमध्ये शिरतो. ही वेब सीरिज 30 ऑगस्ट रोजी नेटफ्लिक्सवर रिलीज करण्यात आली.

'द रिंग्स ऑफ पॉवर सीझन 2' या वेब सीरिजचा दुसरा सीझन रिलीज झाला आहे. सीझनमध्ये पु्न्हा एकदा व्हिलन सौरेनची दहशत दिसणार आहे. 29 ऑगस्ट रोजी प्राइम व्हिडीओवर रिलीज झाली आहे.

केके मेनन, झाकीर हुसेन आणि तनुज विरवानी यांच्या कथेवर आधारित 'मुर्शीद' ही एका माणसाची कथा आहे. मुर्शीद हा पूर्वी डॉन होता, पण त्यानंतर त्याने गुन्हेगारी जगत सोडून दिले. मात्र, नंतर काही कारणाने त्यांना पुन्हा या जगात यावे लागले. हा चित्रपट 30 ऑगस्ट रोजी ZEE5 वर रिलीज झाली आहे.

'ओन्ली मर्डर्स इन द बिल्डिंग सीझन-4' ही वेब सीरिज तीन मित्रांवर आधारीत आहे. ही वेब सीरिज डिस्ने हॉटस्टारवर 27 ऑगस्ट रोजी रिलीज करण्यात आली आहे.

'कॅडेट्स' या चित्रपटाची कथा 1998 या वर्षाच्या सुमारासची आहे. यामध्ये कारगिल युद्धापूर्वी चार जण सशस्त्र सेना अकादमीमध्ये भाग घेतात. त्यानंतर त्यांच्या आयु्ष्यात काय घडामोडी घडतात, त्यांना कोणत्या आव्हानांना सामोरे जावे लागते, हे या चित्रपटामध्ये पाहता येईल. हा चित्रपट जिओ सिनेमावर रिलीज झाला आहे.