PHOTO : 'झुंड'ला अनोख्या शुभेच्छा, तुरीच्या भुसकटापासून साकारली भव्य प्रतिमा

दिग्दर्शक नागराज मंजुळे यांचा बहुचर्चित चित्रपट 'झुंड'चं अनेकांकडून कौतुक होत आहे. प्रत्येकाला हा चित्रपट पाहण्याची उत्सुकता आहे.

४ मार्च रोजी प्रदर्शित होणाऱ्या या चित्रपटाला सोलापुरातील कलाकारांनी अनोख्या पद्धतीने शुभेच्छा दिल्या आहेत.

सोलापुरातील चित्रकार प्रतिक तांदळे आणि त्याच्या सहकाऱ्यांनी तुरीच्या भुसकटचा वापर करत झुंडची भव्य प्रतिमा साकारली आहे.

अभिनेता अमिताभ बच्चन, दिग्दर्शक नागराज मंजुळे आणि गायक अजय गोगावले यांच्या प्रतिमा या चित्रात साकारण्यात आल्या आहेत.

जवळपास 35 फूट बाय 50 फूट एवढी आकाराची ही प्रतिमा बनवली आहे.

तुरीच्या भुसकटाचा वापर करुन बनवलेल्या प्रतिमा साकरण्यासाठी दोन दिवसाचा कालावधी लागल्याची माहिती चित्रकार प्रतिक तांदळे याने दिली.