Swini Khara: 'चीनी कम' फेम अभिनेत्री स्विनी खाराचा बॉयफ्रेंड उर्विशसोबत साखरपुडा! असं केलं प्रपोज...

यंदाच्या वर्षी अनेक बॉलिवूड सेलिब्रिटी लग्नाच्या बंधनात अडकले आहे. या यादीत आता आणखी एक नाव आलं आहे.

'चीनी कम' चित्रपटात बालकलाकारच्या भूमिकेत झळकलेल्या स्विनी खाराचा प्रियकर उर्विश देसाईसोबत धूमधडाक्यात साखरपुडा पार पडला आहे. या साखरपुड्याचे फोटो सध्या सोशल मीडियावर व्हायरल होत आहेत.

स्विनीने साखरपुड्याचे काही फोटो आपल्या इंस्टाग्रामवर शेअर केले आहेत. स्विनीने साखरपुड्यात पिंक कलरचा एम्ब्लिश गाउन घातला आहे. तर उर्विशने काळ्या रंगाची शेरवानी परिधान केली आहे.

फोटोमध्ये स्विनी आणि उर्विश एकमेकांचा हात पकडून प्रेमाने एकमेकांकडे पाहात आहेत. ते दोघे आपल्या साखरपुड्यात डान्सही करताना दिसत आहेत.

उर्विश बॉलिवूड स्टाईलने रोमॅन्स करत स्विनीला एंगेजमेंट रिंग घालण्यासाठी गुडघ्यावर बसलेला दिसतो आहे. त्यावेळी स्विनीच्या चेहऱ्यावरचे हास्यच सर्वकाही सांगून जात आहे.

त्यानंतर स्विनीनेही गुडघ्यावर बसून उर्विशला एंगेजमेंट रिंग घातली. दोघेही खूप आनंदी दिसत आहेत.

स्विनी आणि उर्विश बॉलिवूड स्टाईल रोमँटिक डान्स करतानाचे फोटोही स्विनीने शेअर केले आहे. स्विनीने शेअर केलेल्या पोस्टच्या कॅप्शनमध्ये तिने लिहिले आहे की, तू कागदी अंगठी दिलीस तरी मी तुझ्याशी लग्न करायला तयार आहे. अनेक टीव्ही कलाकारांनी स्विनी आणि उर्विशला त्यांच्या साखपुड्यासाठी शुभेच्छा दिल्या आहेत.

स्विनीने 'चीनी कम', 'एमएस धोनी: द अनटोल्ड स्टोरी', 'परिणिता', 'सियासत द पॉलिटिक्स', 'हरि पुत्तर आणि 'पाठशाला' या चित्रपटांमध्ये काम केलं आहे. स्विनीने 'बा बहू और बेबी', 'दिल मिल गए', 'जिंदगी खट्टी मीठी' अशा टीव्ही सिरिअलमध्येदेखील काम केलं आहे.