Met Gala 2025: कियाराचा बेबी बंप, दिलजीतचा ट्रेडिशनल लूक अन् शाहरुखची किंग स्टाईल ग्रँड एन्ट्री; मेट गालाच्या रेड कार्पेटवर बॉलिवूड झळकलं PHOTO

Met Gala 2025: मेट गालाचे फोटो सध्या सोशल मीडियावर व्हायरल होतायत. दिग्गज बॉलिवूड सेलिब्रिटी यंदा मेट गालामध्ये सहभागी झालेत. मेट गालाच्या रेड कार्पेटवर कोण, कोणत्या लूकमध्ये अवतरलं...

Bollywood Met Gala 2025

5 मे रोजी न्यू यॉर्कमध्ये मेट गालाला सुरुवात झाली. मोठ्या थाटामाटात सोहळा सुरू झाला. यामध्ये फक्त हॉलिवूड सेलिब्रिटीच नाहीतर अनेक दिग्गज बॉलिवूड सेलिब्रिटीही रेड कार्पेटवर दिसून आले.

किआरा अडवाणी, दिलजीत दोसांझ आणि शाहरुख खान यांनी यावर्षी मेट गालामध्ये डेब्यू केला. याशिवाय प्रियांका चोप्राही मेटच्या रेड कार्पेटवरही परतली.

पंजाबी सिनेमाचा रॉकस्टार दिलजीत दोसांझनं यावर्षी मेट गालामध्ये दमदार पदार्पण केलंय. यावेळी तो पंजाबच्या पारंपारिक पोशाखात दिसला.

दिलजीत दोसांझनं आयव्हरी व्हाईट महाराजा स्टाईल शेरवानी वेअर केलेली. ज्यावर गोल्डन जरीनं वर्क केलं होतं. डोळ्यात सूरमा, हातात खंजीर आणि पाठीवर पंजाब घेऊन, दिलजीतनं सर्वांचं लक्ष वेधून घेतलं.

यावर्षी मेट गालामध्ये बॉलिवूडची टॉपची अभिनेत्री आणि मॉम टू बी कियारा अडवाणीनंही धमाकेदार एंट्री घेतली. यावेळी, कियारानं मेट गालाच्या रेड कार्पेटवर तिचा बेबी बंप फ्लॉन्ट केलाय.

मेट गालासाठी कियारा अडवाणीनं काळ्या रंगाच्या गाऊनसह ट्रेल लूक कॅरी केलेला. तिनं वेअर केलेली ज्वेलरीही हटके होती. किआरा रेड कार्पेटवर पोहोचताच सर्वांच्या नजरा त्याच्यावर खिळल्या होत्या.

बॉलिवूडची देसी गर्ल प्रियांका चोप्रा पाचव्यांदा मेट गालाच्या रेड कार्पेटवर उतरली. यावेळीही तिनं काहीसा हटके पण क्लासी लूक केलेला.

प्रियांका चोप्रानं व्हाईट आणि ब्लॅक रंगाचा पोल्का डॉट ड्रेस वेअर केलेला. त्यासोबत तिनं डोक्यावर एक मोठी हॅटही घेतलेली. तिच्या ग्रीन डायमंड लॉकेटनं सौंदर्यात भर घातलेली.

बॉलिवूडचा किंग शाहरुख खाननंही मेट गालाच्या रेड कार्पेटवर यंदा डेब्यू केला. त्यानं रेड कार्पेटवर किंग स्टाईलमध्ये ग्रँड एन्ट्री घेतली. त्याचे फोटो सध्या इंटरनेटवर धुमाकूळ घालत आहेत.

मेट गालामध्ये शाहरुख खाननं ब्लॅक अंदाजात दिसला. यासोबत त्यानं कस्टमाइज्ड सोन्याचे दागिने घातलेले. ज्याची सोशल मीडियावर खूप चर्चा होत आहे.