Bollywood Actor : 19 फ्लॉप सिनेमे, जुळ्या मुलांना गमावलं, आता 14 वर्षांचा वनवास संपवून कमबॅक करणार 'हा' बॉलीवूड अभिनेता

चित्रपट निर्मात्याचा मुलगा असूनही या अभिनेत्याला बॉलिवूडमध्ये यशस्वी करिअर करता आले नाही. 12 वर्षांच्या चित्रपट कारकिर्दीत या स्टारकिडने 21 चित्रपटांमध्ये काम केले, पण यशाचा मार्ग बंद होताना त्याने अभिनय सोडण्याचा निर्णय घेतला.

हा अभिनेता दुसरा कोणी नसून अभिनेते चित्रपट निर्माता फिरोज खानचा मुलगा फरदीन खान आहे.

फरदीन खानने 1998 मध्ये 'प्रेम अगन' चित्रपटाद्वारे बॉलिवूडमध्ये पदार्पण केले. त्याचा पहिलाच चित्रपट बॉक्स ऑफिसवर फ्लॉप झाला.

यानंतर फरदीनने 'जंगल', 'हम हो गये आपके', 'प्यार तूने क्या किया', 'खुशी', 'भूत', 'देव', 'प्यारे मोहन' अशा एकूण 21 चित्रपटांमध्ये काम केले. यापैकी फक्त 'हे बेबी' हा चित्रपट हिट ठरला आणि 'ऑल द बेस्ट' हा सेमी हिट ठरला. उर्वरित 19 चित्रपट पडद्यावर फारच फ्लॉप झाले.

फ्लॉप करिअर पाहून फरदीन खानने स्वतःला फिल्मी जगापासून दूर केले. तो शेवटचा 2010 मध्ये आलेल्या 'दुल्हा मिल गया' या सिनेमात दिसला होता.

व्यावसायिक जीवनात अडचणींचा सामना करणाऱ्या फरदीनसाठी वैयक्तिक आयुष्यही सोपे नव्हते.

अभिनेत्याचे वडील फिरोज खान यांचे 2009 मध्ये निधन झाले. फरदीनवर दु:खाचा डोंगर कोसळला जेव्हा त्याची पत्नी नताशाचा 6 महिन्यांच्या गरोदरपणात गर्भपात झाला आणि या जोडप्याने आपली जुळी मुले गमावली.

आता फरदीन 14 वर्षांनंतर पडद्यावर परतणार आहे. तो संजय लीला भन्साळींच्या मोस्ट अवेटेड वेब सीरिज 'हिरामंडी'मधून कमबॅक करण्यास सज्ज झाला आहे.

या सीरिजमधील त्याचा फर्स्ट लूक समोर आला आहे. ज्यामध्ये तो वली मोहम्मदच्या भूमिकेत दिसत आहे. 'हिरामंडी' 1 मे 2024 रोजी OTT प्लॅटफॉर्म Netflix वर प्रदर्शित होईल.

याशिवाय फरदीन खानकडे अक्षय कुमार स्टारर चित्रपट 'हाऊसफुल 5' देखील आहे जो 2025 मध्ये प्रदर्शित होणार आहे.