Anshuman Jha Wedding : 'मस्तराम' फेम अंशुमन झा अडकला लग्नबंधनात, रोमॅंटिक फोटो व्हायरल

'मस्तराम' फेम अभिनेता अंशुमन झा लग्नबंधनात अडकला आहे. त्याने त्याचे रोमॅंटिक फोटो सोशल मीडियावर शेअर केले आहेत.

अंशुमन झाने मंगेतर सिअरा विंटर्ससोबत अमेरिकेत लग्न केलं आहे. लग्नसोहळ्यातील फोटो आणि व्हिडीओ त्याने सोशल मीडियावर शेअर केले आहेत.

अंशुमन झाने शेअर केलेल्या फोटोत दोघेही आनंदी दिसत आहेत.

अंशुमनने शेअर केलेल्या फोटोत त्याने काळ्या रंगाचा सूट परिधान केला आहे. तर सिअराने व्हाइट गाऊन परिधान केला आहे.

ख्रिश्चन रितीरिवाजांनुसार अंशुमन झा लग्नबंधनात अडकला आहे.

अंशुमनने शेअर केलेल्या फोटोंवर चाहत्यांसह अनेक सेलिब्रिटीदेखील कमेंट्स करत शुभेच्छा देत आहेत.

अंशुमन 'मस्तराम' या वेबसीरिजमध्ये झळकला होता. या वेबसीरिजमुळे त्याला प्रचंड लोकप्रियता मिळाली होती.

अंशुमनचा 'लकडबग्गा' हा सिनेमा लवकरच प्रेक्षकांच्या भेटीला येणार आहे.

अंशुमन आणि सिएरा हे दोघे अनेक वर्षांपासून रिलेशनशिपमध्ये होते.

सिएराला भारतीय पद्धतीने लग्न करायची इच्छा असल्याचं अंशुमनने सांगितलं आहे. त्यामुळे दोघेही हिंदू रीती-रिवाजाप्रमाणे लग्न करणार असल्याचा अंदाज आहे.