संपूर्ण आशियामध्ये कोरोना विषाणू (Covid-19) संसर्ग पुन्हा वाढू लागला आहे. थायलंड आणि मलेशिया सारख्या देशांमध्ये, जिथे पूर्वी कोरोनाची फारच कमी प्रकरणे होती, हा रोग वेगाने पसरू लागला आहे. भारतातही कोरोनाची प्रकरणे वाढू लागली आहेत. दररोज 40 हजारांहून अधिक प्रकरणे येत आहेत. ऑलिम्पिक (2020 Summer Olympics) खेळ टोकियोमध्ये आयोजित केला जात आहे. परंतु. गेल्या काही दिवसांमध्ये कोरोना संसर्गामुळे कहर झाला आहे. व्हिएतनामसारख्या देशांमध्ये, जिथे पूर्वी कोरोनाचा प्रसार मोठ्या प्रमाणावर नियंत्रित केला गेला होता, तिथे कोरोनाची प्रकरणेही झपाट्याने वाढत आहेत. सध्याची परिस्थिती पाहता, आशियातील अनेक देशांनी आपापल्या शहरात निर्बंध लादले आहेत. आशियातील कोणत्या देशांमध्ये कोरोनाची परिस्थिती काय आहे ते जाणून घेऊया.
जपान
जपानमध्ये दररोज सुमारे 12 हजार नवीन कोरोना रुग्णांची नोंद होत आहे. जपानने ऑलिम्पिक खेळांच्या दृष्टीने बाहेरील लोकांसाठी कडक निर्बंध लादले आहेत. जपानच्या ऑलिम्पिक संघटनेचे म्हणणे आहे की खेळांशी संबंधित व्यक्ती आणि पर्यटनासाठी येणाऱ्या व्यक्तींवर बंदी घालण्यात आली आहे. जपानी अधिकाऱ्यांनी सांगितले की गेम व्हिलेजजवळ कोणालाही परवानगी नव्हती. कोरोना महामारी काळाता सुरक्षित ऑलिम्पिक आयोजित करण्यासाठी तयार केलेल्या नियमांचे उल्लंघन केल्याबद्दल जॉर्जियाच्या रौप्य पदक विजेत्यासह सहा लोकांना जपानमधून हद्दपार करण्यात आले आहे.
थायलंड
थायलंडची परिस्थिती जपानसारखीच आहे. थायलंडमध्ये शनिवारी कोरोना संसर्गाची एकूण 18 हजार 912 प्रकरणे नोंदली गेली आहेत. थायलंडमध्ये गेल्या 24 तासांत कोरोनामुळे 178 लोकांचा मृत्यू झाला आहे. थायलंड सरकारचे म्हणणे आहे की 60 टक्के कोरोना प्रकरणे डेल्टा प्रकाराशी संबंधित आहेत, तर त्याची 80 टक्के प्रकरणे केवळ राजधानी बँकॉकमध्ये नोंदवली जात आहेत. स्थानिक माध्यमांनुसार, कोरोनामुळे मरण पावलेल्या लोकांचे मृतदेह त्यांना तात्पुरत्या कंटेनर आणि रेफ्रिजरेटरमध्ये ठेवण्यास सुरुवात केली. थायलंडमध्ये अशी परिस्थिती 2004 च्या त्सुनामीच्या वेळी होती.
चीन
कोरोना विषाणूचा संसर्ग चीनपासून सुरू झाला. परंतु, जगात पसरल्यानंतर चीनने आपल्या देशात या आजारावर वेगाने नियंत्रण केले. पण आता पुन्हा तिथे परिस्थिती बिकट होत आहे. डेल्टा व्हेरिएंट यासाठी जबाबदार असल्याचे मानले जाते. डेल्टा प्रकारांची जास्तीत जास्त प्रकरणे नानजियांग शहरात आढळून येत आहेत.
व्हिएतनाम
व्हिएतनाममधील परिस्थितीही बिकट होत आहे. व्हिएतनाममध्ये सोमवारपासून हालचालींवर कडक निर्बंध लादण्यात आले आहेत. हो ची मिन्ह आणि इतर 18 शहरांमध्ये पुढील दोन आठवड्यांसाठी लॉकडाउन लादण्यात आले आहे. शनिवारी व्हिएतनाममध्ये कोरोनाची 8624 नवीन प्रकरणे समोर आली आहेत.