Remi Lucidi Death : गगनचुंबी इमारतींवर स्टंट करण्यासाठी प्रसिद्ध असलेल्या रेमी लुसिडी (Remi Lucidi) या स्टंटमॅनचा (Stuntman) हाँगकाँगमध्ये 68 व्या मजल्यावरून पडून मृत्यू झाला आहे. रेमी लुसिडीने मृत्यूच्या एक तास आधी सोशल मीडियावर एक फोटो शेअर केला आहे. हा फोटो सोशल मीडियावर मोठ्या प्रमाणात व्हायरल होतोय.
मीडिया रिपोर्ट्सनुसार, लुसिडी ट्रेगंटर टॉवर कॉम्प्लेक्समध्ये स्टंट करण्यासाठी गेला होता. त्या ठिकाणी टॉवरवर चढत असताना त्याचा पाय घसरला. आणि रेमी लुसिडीला जागीच मृत घोषित केले. मीडिया रिपोर्ट्सनुसार, टॉवरवर चढत असताना त्याचा दुर्दैवी मृत्यू झाला.
खोटं बोलून इमारतीत प्रवेश केला
हाँगकाँगच्या अधिकाऱ्यांनी दिलेल्या माहितीनुसार ही दुर्घटना काल (30. जुलै) रोजी सायंकाळी 6 वाजता घडली. रेमी लुसिडीला अनेकांनी इमारतीवर जाताना पाहिले होते. टॉवरमध्ये प्रवेश करत असताना त्याला गेटवरील सुरक्षा रक्षकाने अडवले होते. मात्र, सुरक्षा रक्षकाशी खोटं बोलून त्याने टॉवरमध्ये प्रवेश घेतला. त्याने सांगितले की, तो 40 व्या मजल्यावर आपल्या मित्राला भेटण्यासाठी आला आहे. मात्र, संबंधित मित्राने ओळख न दाखवल्यामुळे रेमी लुसिटी खोटं बोलत आहे हे सुरक्षा रक्षकाच्या लक्षात आले. त्यानंतर, सुरक्षा रक्षकांनी त्याला पुढे जाण्यापासून रोखण्याचा प्रयत्न केला. तोपर्यंत लुसिडी लिफ्टमध्ये शिरला होता.
अपार्टमेंटच्या खिडकीतून मागितली होती मदत
सीसीटीव्ही फुटेजमध्ये रेमी लुसीडी 49 व्या मजल्यावर येताना आणि नंतर इमारतीच्या वरच्या पायऱ्या चढताना दिसला. तो संध्याकाळी 7:38 वाजता कॉम्प्लेक्सच्या पेंटहाऊसच्या खिडकीवर मदतीसाठी हात ठोठावताना दिसला. ज्यामुळे तिथे काम करणारी मोलकरीण घाबरली. तिला पाहून तोही घाबरला आणि त्याचा पाय घसरला. मीडिया रिपोर्ट्सनुसार, लुसिडी पेंटहाऊसच्या बाहेर अडकला होता आणि मदतीचा हात मागत होता.
स्टंटचे व्हिडीओ पोलिसांना सापडले
पोलिसांना घटनास्थळी लुसिडीचा कॅमेरा सापडला. या कॅमेऱ्यात लुसिडीने आतापर्यंत ज्या ज्या ठिकाणी स्टंट केले त्याचे अनेक व्हिडीओ आहेत. पोलिसांनी अद्याप मृत्यूचे अधिकृत कारण जाहीर केलेले नाही. दरम्यान, लुसिडीशी संभाषण केल्याचा दावा करणाऱ्या एका कामगाराने सांगितले की, 'जेव्हा मी त्यांना विचारले की कुठे जात आहे, तेव्हा त्यांनी मला सांगितले की, ते डोंगरावर चढणार आहेत.' त्यांच्या मृत्यूच्या काही वेळापूर्वी, त्यांनी हाँगकाँगच्या आकाशाचा फोटो सोशल मीडियावर पोस्ट केला होता. मात्र, या दुर्देवी घटनेचा तपास अजून पोलिस करत आहेत.
महत्त्वाच्या बातम्या :