ब्रिटनचे प्रिन्स हॅरी आणि अभिनेत्री मेगन मार्कलचा साखरपुडा
एबीपी माझा वेब टीम | 27 Nov 2017 10:34 PM (IST)
सप्टेंबर महिन्यात टोरंटोमध्ये आयोजित एका स्पोर्ट्स इव्हेंटमध्ये दोघं हातात हात घालून पहिल्यांदा जाहीर मंचावर दिसले होते.
फोटो सौजन्य : एपी
लंडन : दिवंगत प्रिन्सेस डायना आणि प्रिन्स चार्ल्स यांचा धाकटे पुत्र प्रिन्स हॅरी यांचा साखरपुडा झाल्याची अधिकृत घोषणा सोमवारी करण्यात आली. अभिनेत्री मेगन मार्कलसोबत प्रिन्स हॅरी पुढच्या वर्षी विवाहबंधनात अडकणार आहेत. सप्टेंबर महिन्यात टोरंटोमध्ये आयोजित एका स्पोर्ट्स इव्हेंटमध्ये दोघं हातात हात घालून पहिल्यांदा जाहीर मंचावर दिसले होते. कॅलिफोर्नियात राहणारी 36 वर्षांची मेगन मार्कल टीव्ही आणि चित्रपट अभिनेत्री आहे. 2011 मध्ये चित्रपट निर्माते ट्रेवर एंजलसनसोबत मेगनचं लग्न झालं, मात्र दोनच वर्षांत ते विभक्त झाले. त्यानंतर प्रिन्स हॅरी आणि मेगन यांचं सूत जुळलं.