Electric Vehicle Charging Action Plan : अमेरिकेने (America) वाढत्या प्रदुषणावर उपाय म्हणून इलेक्ट्रिक वाहनांवर (Electric Vehicle) भर देण्यास सुरुवात केली आहे. जो बायडेन (Joe Biden) प्रशासनाने सोमवारी यासंदर्भात एक सरकारी व्यापक योजना जारी केली आहे. यामध्ये इलेक्ट्रिक कार आणि ट्रकचा व्यापर आणि अवलंब करण्यासाठी महत्त्वाच्या इलेक्ट्रिक चार्जिंग स्टेशन तयार करण्याच्या कामाला गती देण्यात येईल. या योजनेचा प्रमुख आधारस्तंभ म्हणजे हवामान बदलास कारणीभूत असणार्‍या हरितगृह वायू उत्सर्जनाचा सामना करणे असेल.
व्हाईट हाऊसने (White House) सोमवारी रोजी इलेक्ट्रिक वाहन चार्जिंग (Electric Vehicle Charging) पायाभूत सुविधांमध्ये प्रवेश वाढवण्याच्या योजनेचे अनावरण केले. या योजना राष्ट्राध्यक्ष जो बायडेन यांचे प्रमुख उद्दिष्ट म्हणजे 2030 पर्यंत नवीन वाहनांच्या विक्रीत निम्म्या इलेक्ट्रिक वाहनांची विक्री वाढवणे. मेरीलँडमधील एका कार्यक्रमात उपाध्यक्ष कमला हॅरिस (Kamala Harris) यांनी बिडेन प्रशासनाच्या इलेक्ट्रिक व्हेईकल चार्जिंग अ‍ॅक्शन प्लॅनची (Electric Vehicle Charging Action Plan) घोषणा केली. या योजनेमुळे गुंतवणूक वाढवण्यासाठी, पायाभूत सुविधांवर शुल्क आकारण्यासाठी एकसमान दृष्टीकोन स्थापन करण्यात मदत होईल आणि इलेक्ट्रिक वाहन खरेदी करण्यात ग्राहकांची आवड निर्माण होईल, असे व्हाईट हाऊसने जारी केलेल्या पत्रकात म्हटले आहे.
कमला हॅरीस म्हणाल्या की, ''देशात आणि जगभरातील इलेक्ट्रिक वाहन वाहतुकीचे भविष्य आहे. ऑटो उद्योग स्पष्टपणे इलेक्ट्रिक वाहनांकडे जात आहे. त्यामुळे त्यासंबंधित उपाययोजनांवर भर देणे गरजेचे आहे. ऊर्जा विभाग आणि परिवहन विभाग इलेक्ट्रिक वाहन पायाभूत सुविधा तैनात करण्यासाठी ऊर्जा आणि परिवहन विभागाचे संयुक्त कार्यालय तयार करेल. हे कार्यालय सुरुवातीला सार्वजनिक चार्जिंग स्टेशन्स बांधण्यावर लक्ष केंद्रित करेल. यामुळे आसपासच्या भागातील इलेक्ट्रिक वाहन वापरणाऱ्या नागरिकांना सुविधा उपलब्ध होतील. 14 डिसेंबर रोजी कार्यालयाचा औपचारिक शुभारंभ होईल.''
कमला हॅरीस यांनी पुढे सांगितले की, ''मार्चअखेर सदस्यांची नियुक्ती करून इलेक्ट्रिक वाहनांवर लक्ष केंद्रित करणारी सल्लागार समिती तयार करण्याचाही दोन्ही विभागांचा मानस आहे. याव्यतिरिक्त प्रशासनाकडून इलेक्ट्रिक वाहनांचे उत्पादन अमेरिकेमध्ये आणण्याच्या प्रयत्नात उत्पादकांसोबत चर्चाही सुरु आहेत.''
इतर बातम्या :
- Traffic Rules : आता वाहन चालवतान चुकूनही नियम मोडू नका; नाहीतर खिसा होईल रिकामा, दंडाच्या रकमेत मोठी वाढ
- आनंदवार्ता! मुंबईत रात्रीच्या वेळी होणार कोरोना लसीकरण
- OBC Reservation : ओबीसींच्या राजकीय आरक्षणासंदर्भात आज सुप्रीम कोर्टात सुनावणी, निर्णयाकडे महाराष्ट्राचं लक्ष
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोड पाहा लाईव्ह - ABP Majha