शाळेच्या आवारातच हवाई हल्ला झाल्याने मृतांमध्ये शाळकरी मुलं आणि शिक्षकांचा समावेश आहे. मृतांची संख्या वाढण्याची भीती व्यक्त केली जात आहे.
या हल्ल्यामागे रशियाच्या लढाऊ विमानांचा हात असू शकतो, असा अंदाज वर्तवण्यात येत आहे.
सीरियाच्या सरकारी टीव्ही चॅनलवर या हल्ल्याची माहिती देताना म्हटलं आहे की, कट्टरपंथीयांच्या ठिकाणांवर हल्ला करण्यात आला असून, त्यात कट्टरपंथीय ठार झाले आहेत. मात्र शाळकरी मुलांच्या मृत्यूबाबत उल्लेख केलेला नाही.
दरम्यान, इदलिब परिसर कट्टरपंथीयांच्या ताब्यात आहे. याआधीही या परिसरात अनेकवेळा हवाई हल्ले झाले आहेत.