Wardha : वर्धा बोगस बियाणे प्रकरणी SIT ची स्थापन (Wardha bogus seeds case) करण्यात आली आहे. याप्रकरणी सुरु असलेल्या तपासात मोठे मासे गळाला लागण्याची शक्यता आहे. तपास करणाऱ्या स्पेशल टीममध्ये एकूण 15 सदस्यांची नियुक्ती करण्यात आली आहे. सेवाग्राम पोलीस ठाण्याचे पोलिस निरीक्षक चंद्रशेखर चकाटे हे या एस आय टी टीमचे प्रमुख असणार आहेत. याशिवाय चार पोलीस उप निरीक्षक आणि दहा पोलीस कर्मचाऱ्यांचा यात समावेश असणार आहे.


बोगस बियाणे प्रकरणाची पाळेमुळे खोलवर


वर्धा जिल्ह्यातील म्हसाळा येथील बोगस बियाणे प्रकरणात जिल्हा पोलीस अधीक्षक नुरुल हसन यांनी एस आय टी स्थापन केली आहे. यामध्ये आणखी मोठे खुलासे होण्याची शक्यता वर्तवण्यात येत आहे. 15 जणांटी टीम या प्रकरणाचा तपास करणार आहे. दररोज तपासातील 24 तासातील अपडेट पोलीस अधीक्षकांना द्यावे लागणार आहेत. विविध पथके तपासासाठी रवाना करण्यात आली आहे. बोगस बियाणे प्रकरणाची पाळेमुळे खोलवर आहेत. आत्तापर्यंत मुख्य सुत्रधारासह 10 आरोपींना अटक करण्यात आली आहे. मध्य प्रदेश, गुजरात आणि आंध्र प्रदेशाची बॉर्डर असे परराज्याचे कनेक्शन या प्रकरणाशी जुडले असल्याची सुत्रांची माहिती आहे. विविध 14 नामांकित कापूस बियाणे कंपनीचे बनावट पॅकेट तयार करण्यात आले होते. 1 लाख 18 हजार 13 बनावट पॅकेट पोलिसांनी जप्त केले आहे. एस आय टी च्या सखोल तपासातून आणखी खुलासे होऊन बडे मासे गळाला लागण्याची शक्यता आहे.


एका पशुवैद्यकीय डॉक्टरलाही अटक


या प्रकरणात स्थानिक गुन्हे शाखेने वर्धा जिल्ह्याच्या हमदापुर येथून एका पशुवैद्यकीय डॉक्टरलाही अटक केली आहे. विजय अरुण बोरकर असं आरोपी डॉक्टरच नाव आहे. हा जनावरांचा डॉक्टर असून गावागावांत जनावरांवर उपचार करण्यासाठी जाताना बोगस बियाण्यांची पाकिटं घेऊन जात, त्याची शेतकऱ्यांना विक्री करत होता. पोलिसांनी अटक करताच या डॉक्टरने बियाणे विक्री केल्याची कबुली दिली. या प्रकरणात पोलिसांनी आतापर्यंत दहा आरोपींना अटक करत न्यायलयात हजर केले असता न्यायलयाने आरोपींना सात दिवसाची पोलीस कोठडी सुनावण्यात आली आहे. पेरणीच्या हंगामात अनेकदा शेतकऱ्यांना बोगस बियाणे देऊन त्यांची फसवणूक करण्यात येत असल्याच्या अनेक घटना सातत्याने समोर येत आहे. त्यामुळे शेतकऱ्यांची बियाणेच्या बाबतीत होणारी फसवणूक थांबवण्यासाठी आता शिंदे-फडणवीस सरकराने मोठा निर्णय घेतला आहे. यापुढे बोगस बियाणे विकणाऱ्यांना 10 वर्षांची शिक्षा होणार आहे.


महत्त्वाच्या बातम्या:


Wardha News : वर्ध्यातील बोगस बियाणे प्रकरणी 10 जणांना अटक, पशुवैद्यकीय डॉक्टरचाही समावेश, सात दिवसांची पोलीस कोठडी