Trending Elephant Video : तुम्ही-आम्ही सगळेच शक्यतो सकाळी आपल्या सोबतच्या व्यक्तींनी किंवा अलार्मने उठवल्यानंतर उठत असतो. पण समजा तुम्ही निवांत झोपले आहात आणि चक्क तुमच्या खिडकीतून एका हत्तीने त्याच्या सोंडेने तुम्हाला उठवलं तर...? विचार करुनही हैराण झाला असालना, पण हो असं घडलं आहे थायलंडच्या (Thailand) एका हॉटेलमध्ये एका महिलेला चक्क हत्तीने झोपेतून उठवलं असून या घटनेचा व्हिडीओ (Viral Video) सध्या सोशल मीडियावर (Socia Media) तुफान व्हायरल होत आहे.
या व्हिडीओमध्ये दिसत आहे की थायलंडमधील एका हॉटेलात एक महिला शांतपणे झोपली आहे. अशामध्ये एक हत्ती चक्क तिच्या खिडकीत येऊन तिला सोंडेने जागा करताना दिसत आहे. विशेष म्हणजे हे पाहून ती महिलाही खूप सरप्राईज होते. ती झोपेतून उठते आणि हत्तीला बघून आश्चर्यचकीत होते. ती काही काळ त्याच्याकडेच पाहते. साहजिकच तिच्या जागी कोणीही असेल तरी अशाचप्रकारे आश्चर्यचकीत होईल. दरम्यान हा व्हिडीओ सर्वत्र व्हायर होत असून इन्स्टाग्रामवर 18 जुलै रोजी साक्षी जैन नावाच्या यूजरने पोस्ट केला आहे. आतापर्यंत या व्हिडीओला दोन लाखांहून अधिक व्ह्यूज आणि हजारो लाईक्स मिळाले आहेत.
पाहा व्हिडीओ-
हत्तींसाठी प्रसिद्ध आहे थायलंड
आशियातील भटकंतीसाठी प्रसिद्ध असणारा थायलंड (Thailand) देश हा हत्तींसाठी अत्यंत प्रसिद्ध आहे. थायलंडमध्ये सध्याच्या घडीला जवळपास 2 हजार जंगली हत्ती (Wild Elephants) राहत असल्याचंही समोर आलं आहे. त्यामुळे हत्तींचं घर म्हणून थायलंड प्रसिद्ध आहे. थायलंडच्या संस्कृतीमध्ये हत्ती या प्राण्याचं बरचं महत्त्व असल्याचं दिसून आलं आहे.
हे देखील वाचा -