Trending News : सोशल मीडिया असं माध्यम आहे, जे आपल्याला क्षणातच एका जगातून दुसऱ्या जगात घेऊन जातं. अनेकदा सोशल मीडियावर अनेक व्हिडीओ व्हायरल होत असतात. कधी ते मनाला सुखावणारे असतात, तर कधी अंगावर शहारे आणणारे असतात. अनेकदा जंगली श्वापदांचे व्हिडीओही सोशल मीडियावर पाहायला मिळतात. असाच एक व्हिडीओ सध्या सोशल मीडियावर प्रचंड व्हायरल होत आहे. या व्हिडीओमध्ये एक मगर आणि अजगर दिसत आहेत. मगर महाकाय अजगराला गिळण्याचा प्रयत्न करताना दिसत आहे. दोघांमधील झटापट पाहून नेटकरीही हैराण झाले आहेत. जंगलातील हा व्हिडीओ पाहून तुमच्या अंगावर शहारे आल्याशिवाय राहणार नाही.
काही दिवसांपूर्वीच सोशल मीडियावर पोस्ट करण्यात आलेला हा व्हिडीओ प्रचंड व्हायरल होत आहे. या व्हिडीओमध्ये जंगलातील एक मगर महाकाय अजगराला आपलं शिकार बवनण्याचा प्रयत्न करत आहे. पण मगरीच्या तावडीत सापडेल तो अजगर कसला? मगर म्हणजे, जगातील सर्वात हिंसक प्राण्यांपैकी एक. मगरीच्या जबड्यात खूप ताकद असते. फक्त एकाच चाव्यात मगर कोणत्याही प्राण्याचा जीव घेऊ शकते.
सध्या व्हायरल होणाऱ्या क्लिपमध्ये मगर अजगराला गिळण्याचा प्रयत्न करताना दिसतेय. मगर आपल्या जबड्यात अजगाराला अडकवण्याचा प्रयत्न करताना दिसत आहे. पण अजगर आपला जीव वाचण्यासाठी पूर्ण प्रयत्न करतोय. असं करता करता अजगर मगरीच्या तोंडाला पूर्ण वेढा घालून क्षणार्धातच निसटून जातो.
अजगर आणि मगर यांच्यातील झटापटी दरम्यान, मगरीला समजलं की, तो अजगराला सहजासहजी आपल्या तावडीत सापडणार नाही. अशा स्थितीत ती माघार घेते आणि अजगराला जबड्यातून मुक्त करते. सध्या हा व्हिडीओ सोशल मीडियावर व्हायरल होत आहे.
महत्त्वाच्या इतर बातम्या :