OTT Release : नव-नविन वेबसीरिजची प्रेक्षक आतुरतेने वाट पाहत असतात. या आठवड्यातदेखील अनेक सिनेमे आणि वेबसीरिज प्रेक्षकांच्या भेटीला येणार आहेत. ऑपरेशन रोमियोसह कॉफी विथ करणच्या 7 व्या सीझनपर्यंत अनेक कार्यक्रम या आठवड्यात प्रेक्षकांना पाहायला मिळणार आहेत. त्यामुळे या आठवड्यात प्रेक्षकांना मनोरंजनाची मेजवानी मिळणार आहे.
ऑपरेशन रोमियो
कुठे पाहायला मिळणार? नेटफ्लिक्स
कधी होणार रिलीज? 3 जुलै
'ऑपरेशन रोमियो' हा सिनेमा नेटफ्लिक्स या ओटीटी प्लॅटफॉर्मवर रिलीज होणार आहे. शशांत शाहने या वेबसीरिजचे दिग्दर्शन केलं आहे. एप्रिल महिन्यात या सिनेमाने सिनेमागृहात चांगलाच धुमाकूळ घातला होता. शरद केळकर, भूमिका चावला आणि सिद्धांत गुप्ता या सिनेमात मुख्य भूमिकेत आहेत. 3 जुलैपासून हा सिनेमा प्रेक्षकांना पाहायला मिळणार आहे.
ऑड स्क्वाड सीझन 3
कुठे पाहायला मिळणार? नेटफ्लिक्स
कधी होणार रिलीज? 4 जुलै
'ऑड स्क्वाड'चे दोन्ही सीझन प्रेक्षकांच्या पसंतीस उतरले होते. त्यामुळे प्रेक्षक या सीरिजच्या तिसऱ्या सीझनची प्रतीक्षा करत होते. आता या सीरिजचा तिसरा सीझन प्रेक्षकांच्या भेटीला येणार आहे. 4 जुलैपासून नेटफ्लिक्सवर ही वेबसीरिज प्रेक्षकांना पाहायला मिळणार आहे.
कॉफी विथ करण 7
कुठे पाहायला मिळणार? डिज्नी प्लस हॉटस्टार
कधी होणार रिलीज? 7 जुलै
'कॉफी विथ करण' हा प्रेक्षकांच्या आवडता कार्यक्रम आहे. या कार्यक्रमाच्या सहा सीझनला प्रेक्षकांची पसंती मिळाली आहे. नुकताच या कार्यक्रमाच्या सातव्या सीझनचा ट्रेलर रिलीज झाला आहे. 7 जुलैपासून हा कार्यक्रम डिज्नी प्लस हॉटस्टारवर प्रेक्षकांना पाहायला मिळणार आहे.
विक्रम
कुठे पाहायला मिळणार? डिज्नी प्लस हॉटस्टार
कधी होणार रिलीज? 8 जुलै
दाक्षिणात्य सुपरस्टार कमल हासनच्या 'विक्रम'ने सिनेमागृहात चांगलाच धुमाकूळ केला. या सिनेमाने बॉक्स ऑफिसवर 31 दिवस पूर्ण केले आहेत. हा सिनेमा 8 जुलैपासून प्रेक्षक डिज्नी प्लस हॉटस्टारवर पाहू शकतात.
संबंधित बातम्या