एक लाख रुपयांचा पॅनासॉनिकचा स्मार्टफोन भारतात लॉन्च

मुंबई : पॅनासॉनिक इंडियाने मंगळवारी भारतात तीन टफपॅड डिव्हाईस मार्केटमध्ये लॉन्च केले. यामध्ये टफपॅड एफझेड-F1 आणि टफपॅड एफझेड-N1 यांचा समावेश आहे. त्याचसोबत टफपॅड एफझेड-A2 टॅबलेट लॉन्च करण्यात आला आहे. बिझनेस क्लाससाठी बनवलेल्या या तिन्ही प्रीमियम डिव्हाईसचं खास वैशिष्ट्य म्हणजे क्वालिटी. अँड्रॉईड डिव्हाईसची किंमत 99 हजार रुपये, तर विंडोज 10 वर आधिरत स्मार्टफोनची किंमत 1 लाख 9 हजार रुपये आहे. टॅब्लेटही अँड्रॉईडवर चालणारा असून, त्याची किंमत 1 लाख 20 हजार रुपये आहे. मूळ किंमतीशिवाय प्रत्येक डिव्हाईसवर अतिरिक्त टॅक्स आकारला जाईल. पॅनासॉनिक टफपॅड एफझेड-F1 आणि एफझेड-N1 या दोन्ही स्मार्टफोनचे फीचर्स जवळपास सारखे आहेत. मात्र, दोन्ही स्मार्टफोनच्या ऑपरेटिंग सिस्टम वेगळ्या आहेत. टफपॅड एफझेड-F1, एफझेड-N1 चे फीचर्स - - 2.3 गीगाहर्ट्झ ऑक्टा-कोअर क्वालकॉम स्नॅपड्रॅगन 801 चिपसेट - 2 जीबी रॅम - 4.7 इंचाचा एचडी डिस्प्ले (720x1280 पिक्सेल रिझॉल्युशन) - वाय-फाय, 2G, 3G, 4G LTE कनेक्टिव्हिटी - जीपीएस, एनएफसी, ब्लूटूथ (V 4.1) - मायक्रो यूएसबी - 8 मेगापिक्सेल रिअर कॅमेरा - 5 मेगापिक्सेल फ्रंट फेसिंग कॅमेरा टफपॅड एफझेड-A2 चे फीचर्स - - 6.0 मार्शमॅलो - ओएस इंटरप्राईज सिक्युरिटी - 1.44 गीगाहर्ट्झ क्वाड कोअर इंटल एटम एक्स 5 - झेड 8550 प्रोसेसर - 4 जीबी रॅम - 32 जीबी इनबिल्ट स्टोरेज - 10.1 इंचाचा डिस्प्ले (1920x1200 पिक्सेल रिझॉल्युशन) - वाय-फाय, ब्लूटूथ, जीपीएस, एनएफसी कनेक्टिव्हिटी - 8 मेगापिक्सेल रिअर कॅमेरा - 2 मेगापिक्सेल फ्रंट फेसिंग कॅमेरा