फेब्रुवारीत लॉन्च झालेल्या Moto X Force या स्मार्टफोनची किंमत 49 हजार 999 रुपये होती. मात्र, आता मोटोरोलाने या स्मार्टफोनच्या किंमतीत 16 हजार रुपये एवढी मोठी कपात केली आहे. 16 हजार रुपयांच्या सवलतीसह Moto X Force स्मार्टफोन फ्लिपकार्ट या ऑनलाईन शॉपिंग वेबसाईटवरून खरेदी करता येणार आहे.
Moto X Force च्या किंमतीत कपात केल्यानंतर आता 32 जीबी व्हेरिएंट 34 हजार 999 रुपयांना, तर 64 जीबी व्हेरिएंट 37 हजार 999 रुपयांना मिळणार आहे.
Moto X Force अधिकाधिक फीचर्स मोटोच्या याआधीच्या Moto X Style या स्मार्टफोनसारखेच आहेत. Moto X Force चं वैशिष्ट्य आणि आकर्षणाची गोष्ट म्हणजे प्रोसेसर. त्याचसोबत ब्रेक प्रूफ आणि पूर्णपणे वॉटर प्रूफ हेही या स्मार्टफोनचे वैशिष्ट्य आहेत. टचस्क्रीनला दोन लेयर असल्याने स्क्रीन सुरक्षित राहण्यास मदत होते.
5.4 इंचाचा एचडी डिस्प्ले असून 3 जीबी रॅम, त्यासोबत ग्राफिक्ससाठी Adreno 430 GPU लावण्यात आलं आहे. फोटोग्राफीसाठी 21 मेगापिक्सेल रिअर कॅमेरा आणि सेल्फीप्रेमींसाठी 5 मेगापिक्सेल कॅमेरा देण्यात आला आहे. या स्मार्टफोनमध्ये 3760mAh क्षमतेची बॅटरी असून, 30 तासांपर्यंत बॅटरी बॅकअपचा दावा मोटोरोलाने केला आहे.