नवी दिल्ली:  भारतीय अर्थव्यवस्थेला डिजिटल बनवण्यासाठी केंद्र सरकार उद्या आणखी एक मोठा निर्णय जाहीर करण्याची शक्यता आहे. कॅशलेस व्यवहरांना प्रोत्साहन देण्यासाठी केंद्र सरकारच्यावतीने उद्या आधार पेमेंट अॅप लॉन्च करण्यात येणार आहे. यामुळे डेबिट कार्ड, क्रेडीट कार्ड आणि मोबाईल वॉलेट शिवायही तुम्हाला कॅशलेस व्यवहार करणे आणखीच सोईचे होणार आहे. विशेष म्हणजे, यासाठी कोणतेही ग्राहकाकडून कोणतेही अतिरिक्त शुल्क आकरले जाणार नाही. या सेवेसाठी दुकानदारांना एक स्मार्टफोन आणि बायोमॅट्रिक स्कॅनर मशिन बसवणे बंधनकारक आहे. जर संबंधित दुकानदाराकडे फिंगरप्रिंट सेंसरचा मोबाईल असेल, तर त्या दुकानदाराला बायोमॅट्रिक स्कॅनर बसवण्याची आवश्यकता नाही. कसे असेल हे अॅप?
  • या नव्या अॅपला यूआयडी, आयडीएफसी बँक आणि नॅशनल पेमेंट कॉर्पोरेशन म्हणजेच एनपीसीआयने विकसित केले आहे.
  • हे अॅप वापरासाठी दुकानदार आणि ग्राहकाला हे अॅप आपल्या स्मार्टफोनवर डाऊनलोड करणे गरजेचे असून, हे अॅप गूगल प्ले स्टोअरवर उपलब्ध असेल.
  • या अॅपच्या वापरासाठी तुमचा आधार नंबर आणि बँकचे नाव अॅपमध्ये नोंद करणे गरजेचे असेल.
  • यानंतर मोबाईल हॅण्डसेटच्या बायोमॅट्रिक स्कॅनरच्या माध्यमातून आपला अंगठा स्कॅन करावा.
  • तुमच्या अंगठ्याचा ठसाच तुमची ओळख असेल, आणि या माध्यमातूनच तुम्ही तुमचे व्यवहार करु शकाल.
  • विशेष म्हणजे, यासाठी तुमच्याकडून कोणतेही अतिरिक्त शुल्क घेतले जाणार नाही.
यामुळे तुम्हाला डिजिटल व्यवहारासाठी तुम्हाला डेबिट कार्ड, क्रेडीट कार्टची गरज नसेल. शिवाय तुम्हाला तुमचा पर्सनल आयडेंटिफिकेशन नंबर देण्याची गरज नसेल.