Rajeshwari-Somnath Wedding : मागील काही दिवसांपासून सोशल मीडियावर काही फोटोंची बरीच चर्चा सुरु आहे. फॅण्ड्री सिनेमात मुख्य भूमिका साकारणारे कलाकार अभिनेता सोमनाथ अवघडे (Somnath Awghade) आणि राजेश्वरी खरात (Rajshwari Kharat) या दोघांच्याही लग्नाच्या विधींचे फोटो सध्या सोशल मीडियावर व्हायरल होत आहे. सुरुवातीला हळदीचे त्यानंतर त्यांच्या लग्नातले असे बरेच फोटो सोशल मीडियावर व्हायरल होत आहेत. त्यातच आता शालू आणि जब्याचा पुन्हा एक नवा फोटो समोर आला आहे.
सोमनाथ आणि राजेश्वरी यांच्या या फोटोमध्ये राजेश्वरीच्या गळ्यात मंगळसूत्र, हातामध्ये हिरवा चुडा दिसतोय. त्यामुळे पुन्हा एकदा नेटकऱ्यांच्या मनात संभ्रम निर्माण झालाय. दरम्यान सोमनाथ आणि राजेश्वरी यांच्या नव्या प्रोजेक्टसाठी हे प्रोमोशन सुरु असल्याचे दावे सध्या सोशल मीडियावर वारंवार होत आहेत. त्यामुळे नेटकरी संभ्रमात असले तरीही हे त्यांच्या नव्या प्रोजेक्टसाठीच असल्याचं म्हणणं नेटकऱ्यांचं आहे.
नव्या फोटोवर कमेंट्सचा पाऊस
शालू आणि जब्याच्या या नव्या फोटोवर अनेकांनी कमेंट्स केल्याचं पाहायला मिळतंय. एका युजरने कमेंट केली आहे की, गोंधळात टाकू नकोस जब्या काय खरं आहे ते सांग की एकदाच. दुसऱ्या युजरने कमेंट करत म्हटलं की, ये जब्या भाई काय खरं ते मॅटर सांगून टाक रे बाबा एकदाच... आणखी एका युजरने कमेंट करत म्हटलं की, नवीन प्रोजेक्ट आहे त्यांचा.... आपापल्या काळजाचा तळतळाट करून घेऊ नये.. एका युजरने खरंच यांचं लग्न झालंय की सिनेमाचं शुटींग आहे, असाही प्रश्न विचारलाय. त्यामुळे सोशल मीडियावर नेटकऱ्यांमध्ये संभ्रमाचं वातावरण असल्याचं पाहायला मिळतंय.
हा फोटो राजेश्वरी, सोमनाथच्या आगामी प्रोजेक्टचा भाग?
दरम्यान, याआधीही ही जोडी अनेकवेळा एकत्र दिसलेली आहे. दोघेही एकमेकांचे चांगले मित्र आहेत. त्यांनी आपापल्या इन्स्टाग्रामवर एकमेकांसोबतचे अनेक फोटो आणि रिल्स पोस्ट केलेले आहेत. त्यामुळेच या दोघांचा एकमेकांसोबतचा बॉण्ड पाहून त्यांनी लग्न केलंय का? अशी विचारणा त्यांच्या फॅन्सकडून केली जात आहे. खरं म्हणजे हा फोटो त्यांच्या आगामी प्रोजेक्टचा एक भाग आहे का? अशी शंकाही व्यक्त केली जात आहे. त्यामुळे या फोटोमागचा नेमका अर्थ काय? हे लवकरच स्पष्ट होईल...