सोलापूर: सोलापुरातील एका नामवंत खाजगी शाळेत अल्पवयीन विद्यार्थिनीचा विनयभंग झाल्याची संतापजनक घटना समोर आली आहे. खाजगी शाळेतील 56 वर्षीय शिक्षकाकडून अल्पवयीन विद्यार्थिनीचा विनयभंग करण्यात आला आहे.19 एप्रिल ते 3 जुलैच्या दरम्यान शाळेच्या पार्किंगमध्ये हा प्रकार घडल्याचा पीडित मुलीचा आरोप आहे. विनयभंग करणाऱ्या शिक्षकाने धमकावल्याने विद्यार्थिनीने कोणाकडेही तक्रार केली नव्हती. तुला काही ज्ञान नाही, तू काही कामाची नाहीस, तु दहावीला आहे, आता तु चांगली सापडली आहेस अशा अनेक प्रकारे पीडित विद्यार्थ्यांनीला धमक्या देण्यात येत होत्या. (Solapur Crime News)
मात्र, खाजगी शाळेच्या मुख्याध्यापकांच्या ही बाब लक्षात येताच त्यांच्या सल्ल्याने गुन्हा दाखल करण्यात आला आहे. या प्रकरणी आरोपी शिक्षकाविरोधात अल्पवयीन मुलीचा विनयभंग केल्याने पोस्कोसह विविध कलमान्वये गुन्हा दाखल करण्यात आला आहे. सोलापुरातील सदर बझार पोलिस ठाण्यात गुन्हा नोंद करण्यात आला असून पोलीस पुढील तपास करीत आहेत. (Solapur Crime News)
नेमकं काय घडलं?
सोलापुरमधील एका नामवंत खाजगी शाळेत एका अल्पवयीन विद्यार्थीनीचा 56 वर्षीय शिक्षकाकडून विनयभंग करण्यात आला आहे. 19 एप्रिल ते 3 जुलैच्या दरम्यान ही घटना घडलेली आहे. शाळेच्या पार्किंगमध्ये शिक्षकाने हे कृत्य केलं आहे. या प्रकरणाची माहिती मिळताच आरोपी शिक्षकाविरोधात अल्पवयीन मुलीचा विनयभंग केल्याने पोस्कोसह विविध कलमान्वये गुन्हा दाखल केला आहे. शिक्षकाने अल्पवयीन विद्यार्थीनीला धमक्या देखील दिल्या होत्या, त्यामुळे ती विद्यार्थींनी घाबरली होती. तुला काही ज्ञान नाही, तू काही कामाची नाहीस, तु दहावीला आहे, आता तु चांगली सापडली आहेस अशा अनेक प्रकारे पीडित विद्यार्थ्यांनीला धमक्या दिल्या होत्या. (Solapur Crime News)
काही महिन्यांपूर्वी घडलेली अशीच घटना
काही महिन्यांपूर्वी सोलापुरातील एका नामांकित शाळेतील शिक्षकानेच अल्पवयीन मुलीवर विनयभंग केल्याची घटना घडली आहे. या घटनेनंतर शिक्षकावर पोक्सोअंतर्गत गुन्हा दाखल करण्यात आला होता. पीडितेने दिलेल्या फिर्यादवरून सोलापुरातील एका नामांकित शाळेतील शिक्षकाविरूद्ध पोलिसांत गुन्हा दाखल करण्यात आला होता. 'मला सोडून जाऊ नकोस, अन्यथा मी काहीतरी बरेवाईट करून घेईन', अशी धमकी देऊन मानसिक त्रास दिल्याचे फिर्यादमध्ये म्हटले होते. शिक्षकाने अल्पवयीन विद्यार्थिनीला संवाद साधून प्रपोज केले. विद्यार्थिनीने नकार दिल्यानंतरही हा शिक्षक सतत पाठलाग करत होता. या शिक्षकाची हिम्मत एवढी वाढली होती की विद्यार्थिनीचा हात धरत जबरदस्तीने घेऊन जात तिच्याशी जवळीकता साधण्याचा शिक्षकाने प्रयत्न केला होता. पीडित मुलीच्या फिर्यादीवरून शिक्षकाविरुद्ध पोक्सो (P0CSO) अंतर्गत गुन्हा दाखल करण्यात आला आहे.