Share Market News : आज आठवड्यातील पहिल्या दिवशी भारतीय शेअर बाजारात (Share Market News) चढ-उतार दिसून आला. सुरुवातीच्या घसरणीनंतर बाजारात खरेदीचा जोर वाढला. त्यामुळे बाजार नीचांकी पातळीपासून वधारत बंद झाला. आज दिवसभरातील व्यवहार बंद झाले तेव्हा मुंबई शेअर बाजाराचा निर्देशांक सेन्सेक्स (Sensex) 169 अंकांच्या तेजीसह 59,500.41 अंकांवर स्थिरावला. तर, राष्ट्रीय शेअर बाजाराचा निर्देशांक निफ्टी (Nifty) 44.60 अंकांनी वधारत 17,648.95 अंकांवर बंद झाला. आज बाजारात आयटी सेक्टरमध्ये (IT Sector) चांगलीच तेजी दिसून आल्याने बाजार सावरण्यास मदत झाली.
आज दिवसभरातील ट्रेडिंग सत्रात आयटी (IT Sector) आणि बँकिंग सेक्टरमधील (Banking Stocks) कंपन्यांच्या शेअर्समध्ये तेजी दिसून आली. तर, फार्मा, एफएमसीजी, मेटल्स, एनर्जी, ऑईल अॅण्ड गॅस सेक्टरमधील कंपन्यांच्या शेअर दरात नफावसुली दिसून आल्याने घसरण झाली. सेन्सेक्समधील 30 पैकी 18 कंपन्यांचे शेअर दर वधारले. तर, निफ्टीमधील 50 पैकी 29 कंपन्यांच्या शेअर दरात तेजी आणि 21 कंपन्यांच्या शेअर दरात घसरण दिसून आली.
गुंतवणूकदारांना फटका
शेअर बाजारातील व्यवहार आज तेजीसह बंद झाले असले तरी गुंतवणूकदारांना फटका बसला आहे. मुंबई शेअर बाजारात सूचीबद्ध असलेल्या कंपन्यांचे मार्केट कॅप 268.60 लाख कोटी इतके झाले. मागील ट्रेडिंग सत्रात मार्केट कॅप 269.65 लाख कोटी इतके होते. जवळपास 1.05 लाख कोटी रुपयांचे नुकसान झाले आहे. मागील तीन दिवसात गुंतवणूकदारांचे एकूण 11.78 लाख कोटींचे नुकसान झाले आहे.
| इंडेक्‍स | किती अंकांवर बंद | दिवसभरातील उच्चांक | दिवसभरातील नीचांक | किती टक्के बदल? |
| BSE Sensex | 59,574.40 | 59,644.24 | 58,699.20 | 0.00 |
| BSE SmallCap | 27,597.06 | 27,927.56 | 27,433.54 | -0.10% |
| India VIX | 17.71 | 19.39 | 17.29 | 2.25% |
| NIFTY Midcap 100 | 30,185.85 | 30,494.35 | 29,960.80 | -0.19% |
| NIFTY Smallcap 100 | 9,233.00 | 9,351.40 | 9,185.95 | -0.10% |
| NIfty smallcap 50 | 4,181.00 | 4,235.05 | 4,155.45 | -0.12% |
| Nifty 100 | 17,571.85 | 17,676.60 | 17,331.90 | -0.13% |
| Nifty 200 | 9,189.65 | 9,248.65 | 9,071.55 | -0.14% |
| Nifty 50 | 17,648.95 | 17,709.15 | 17,405.55 | 0.25% |
या शेअर्समध्ये तेजी
आजच्या दिवसभरातील व्यवहारात शेअर बाजारात BAJFINANCE, BAJAJFINSV, HCLTECH, INFY, NTPC, WIPRO, RIL, MARUTI आदी कंपन्यांच्या शेअर दरात तेजी दिसून आली.
या शेअर्समध्ये घसरण
LT, INDUSINDBK, TATASTEEL, HUL, Airtel, Tata Motors, ITC, SBI या कंपन्यांच्या मोठी घसरण दिसून आली.
बाजाराची सुरुवात कशी होती?
आज बाजाराच्या सुरुवातीला बीएसईचा 30 शेअर्सचा निर्देशांक सेन्सेक्स 229.21 अंकांनी म्हणजेच 0.39 टक्क्यांनी घसरून 59,101.69 वर उघडला. NSE चा 50 शेअर्सचा निर्देशांक निफ्टी 62.40 अंकांनी किंवा 0.35 टक्क्यांनी घसरून 17,541.95 वर उघडला. बाजार उघडल्यानंतर काहीसा घसरलेला सेन्सेक्स नंतर सावरल्याचं दिसून आले.
इतर महत्त्वाच्या बातम्या: