Ram Mandir : राम मंदिरात सीतेची मूर्ती असणार का? 

Ram Mandir : देशभरातील भक्त रामाचे दर्शन घेण्यासाठी आतूरतेने वाट पाहात आहेत. रामा मंदिराच्या उद्घाटनासाठी जोरदार तयारी सुरु आहे. दरम्यान मंदिराच्या रचनेबाबत नवीन माहिती समोर येत आहे. त्यामुळे सर्वत्र राम मंदिराबाबत चर्चा आहेत. 

Ram Mandir : अयोध्येतील राम मंदिरात (Ram Mandir) 22 जानेवारी रामाच्या मूर्तीची प्राणप्रतिष्ठा होणार आहे. भव्य आणि विशाल अशा राम मंदिराचे बांधकाम जवळपास पूर्ण झालय. देशभरातील भक्त रामाचे दर्शन घेण्यासाठी आतूरतेने वाट पाहात आहेत. राम मंदिराच्या उद्घाटनासाठी जोरदार तयारी सुरु आहे. दरम्यान मंदिराच्या रचनेबाबत दररोज काहीतरी नवीन माहिती समोर येत आहे. त्यामुळे सर्वत्र राम मंदिराबाबत चर्चा आहेत. 

राम मंदिरात सीतेची मूर्ती नसेल - चंपत राय 

राम मंदिराचे (Ram Mandir) सचिव चंपत राय म्हणाले, राम मंदिरात रामाच्या मूर्तीशिवाय भक्तांची श्रद्धा असेल्या गोष्टी असणार आहेत. राम मंदिरात अनेक देवीदेवतांची मंदिरे असतील. त्यामुळे रामाच्या मूर्तीबरोबरच मंदिरात सीतेची मूर्ती असणार का? असा प्रश्न सर्वांना पडलाय. राम मंदिरात सीतेची मूर्ती नसेल. विवाह होण्यापूर्वीच्या कालखंडातील राम दर्शवणारी ही मूर्ती असणार आहे. त्यामुळे मंदिरात सीतेची मूर्ती नसेल, अशी माहिती राम जन्मभूमी तीर्थ क्षेत्राचे सचिव चंपत राय यांनी माहिती दिलीये. 

15-22 जानेवारी 2024 दरम्यान राम मंदिरातील वेळापत्रक (Ram Mandir inauguration 2024 full schedule)

15 जानेवरी 2024 : मकर संक्रांतीच्या दिवशी खरमास संपतात. गर्भगृहात रामलल्लाची मूर्ती म्हणजेच श्री रामाच्या बालस्वरूपाची मूर्तीची स्थापना करण्यात येणार आहे. 

16 जानेवारी 2024 : या दिवसापासून रामललाच्या मूर्तीच्या निवासासाठी विधीही सुरू होतील.

17 जानेवारी 2024 : या दिवशी रामलल्लाची मूर्तीची नगर प्रदक्षिणा काढण्यात येणार आहे. 

18 जानेवारी 2024 : या दिवसापासून अभिषेक विधी सुरू होईल. मंडप प्रवेश पूजा, वास्तुपूजा, वरुण पूजा, विघ्नहर्ता गणेश पूजा आणि मर्तिक पूजा होतील.

19 जानेवारी 2024 : राम मंदिरात यज्ञ अग्निकुंड स्थापन करण्यात येणार आहे. आग विशिष्ठ पद्धतीने पेटवली जाईल.

20 जानेवारी 2024 : राम मंदिराचे गर्भगृह 81 कलशांनी पवित्र केले जाईल, ज्यामध्ये विविध नद्यांचे पाणी जमा करण्यात आले आहे. वास्तुशांती विधी होईल.

21 जानेवारी 2024 : या दिवशी, यज्ञविधीमध्ये, विशेष पूजा आणि हवन दरम्यान, रामलल्लाला  125 कलशांसह दिव्य स्नान घालण्यात येईल. 

22 जानेवारी 2024 : या दिवशी मध्यकाळात मृगाशिरा नक्षत्रात रामलल्लाची महापूजा होणार आहे.

प्राण प्रतिष्ठा मुहूर्त (Ram Mandir Pran Pratishtha 2024 Muhurat)

अयोध्येतील राम मंदिरासाठी जवळपास पाच शतकांची प्रतीक्षा आता संपणार आहे. 22 जानेवारी 2024 रोजी सकाळी 12.29 ते 12:30 पर्यंत राम मंदिरात रामलल्लाची मूर्ती स्थापन करण्याची वेळ असेल. प्राणप्रतिष्ठेसाठी केवळ 84 सेकंदांचा शुभ मुहूर्त असेल.

इतर महत्वाच्या बातम्या