Cyber crime Raigad: “तुमच्यावर गुन्हा दाखल आहे”, “सुप्रीम कोर्टाने अटक वॉरंट काढले आहे” अशा भीतीदायक वक्यांमधून सामान्य नागरिकांना गाफील ठेवत लाखो रुपयांचा गंडा घालणाऱ्या एका सायबर टोळीचा रायगड पोलिसांनी पर्दाफाश केला आहे. 'डिजिटल अरेस्ट'च्या नावाखाली सुरू असलेल्या या फसवणुकीचा भंडाफोड करत पोलिसांनी देशातील विविध राज्यांतून एकूण 11 आरोपींना अटक केली आहे. या गुन्ह्यात 66 लाख रुपयांची आर्थिक फसवणूक झाल्याचे समोर आले आहे.
कसे करत होते फसवणूक?
आरोपी हे वेगवेगळ्या राज्यांतून नागरिकांना कॉल करत. “तुमच्यावर गुन्हा दाखल आहे, तुम्हाला अटक होऊ शकते. यासाठी तुमचा डिजिटल अरेस्ट करण्यात येणार आहे,” असं सांगत ते नागरिकांना गोंजारत. त्यानंतर “जर तुम्हाला या प्रकरणातून सुटायचं असेल तर अमुक इतकी रक्कम भरावी लागेल,” अशा फसव्या धमक्या आणि लालच दाखवत ऑनलाईन पैसे उकळायचे.
पोलिसांनी दिलेल्या माहितीनुसार, तुमच्यावर गुन्हा दाखल आहे तुमच्यावर सुप्रीम कोर्टाने अटक वॉरंट काढले आहे अस सांगून डिजिटल अरेस्ट माध्यमातून लाखोंचा गंडा घालणाऱ्या भुरट्या डिजिटल चालाखबाज चोरट्यांचा रायगड पोलिसांनी अखेर पर्दाफाश केलाय. वेगवेगळ्या कंपनीचे सीम कार्ड वापरून देशातील अनेक भागातील नागरिकांना डिजिटल माध्यमातून घाबरवण्याचा बनाव करत या नागरिकांकडून तब्बल 66 लाख रूपयांची डिजिटल फसवणूक केल्याचा धक्कादायक खुलासा या प्रकरणातून उघडकीस आला आहे.
विविध टेलिकॉम कंपन्यांचे सिमकार्ड वापरत गंडा
तुम्हाला या प्रकरणातून सुटायचे असेल तर वेगळे पैसे भरावे लागतील अशी लालच दाखवून वेगवेगळ्या भागातील नागरिकांना या चोरट्यांनी गंडा घातला होता. देशातील सर्वात मोठा डिजिटल अरेस्ट चा गुन्हा असल्याची माहिती रायगडच्या जिल्हा पोलिस अधीक्षक आँचल दलाल यांनी दिली आहे. त्यामुळे दलाल आणि त्यांच्या टीमचे सर्वत्र कौतुक होत आहे.आरोपी विविध टेलिकॉम कंपन्यांची सीमकार्ड वापरून नागरिकांना कॉल करत असत. हा डिजिटल फसवणुकीचा प्रकार देशातील आतापर्यंतचा सर्वात मोठा असल्याचे रायगडच्या जिल्हा पोलिस अधीक्षक आंचल दलाल यांनी स्पष्ट केलं आहे.
अटक करण्यात आलेले आरोपी
1. अब्दुल सलाम बारभुयान, उत्तरप्रदेश
2. बिलाल फैजान अहमद, लखनौ
3. नदीम महंमद अस्लम अहमद, जैनपूर
4. लॉरेब मोहंमद रफिक खान, उत्तरप्रदेश
5. शदाब रियाज अहमद खान, उत्तरप्रदेश
6. मोहंमद फैसल खान, उत्तरप्रदेश
7. बालमोरी विनायककुमार राव, हैदराबाद
8. गंगाराम गंगाधर मुट्टन, हैदराबाद
9. अभय संतप्रकाश मिश्रा, उत्तरप्रदेश
10. मोहसीन मियां खान, उत्तरप्रदेश
11. शम्स ताहीर खान, राजस्थान
काय काय जप्त करण्यात आले ?
*6176 सीम कार्ड्स
* 66 लाखांचे डिजिटल व्यवहार
* 112 बँक खाती
* 35 मोबाईल फोन्स
* कॅनरा बँक एटीएम कार्ड्स