वनराज आंदेकरांच्या 'मारक्या' बहिणींना अटक, प्रॉपर्टीसाठी दिली सख्ख्या भावाची सुपारी

वनराज आंदेकर यांच्या दोन्ही बहिणींना पुणे पोलिसांनी अटक केली  आहे.  वनराजचा खून करण्यासाठी त्याच्याच बहिणींनी आणि मेव्हण्यांनी  प्लॅन बनवला होता.

पुणे :  पुण्यातील राष्ट्रवादीचे माजी नगरसेवक वनराज आंदेकर (Vanraj Andekar)  खून प्रकरणी मोठी बातमी समोर आली आहे. वनराज  आंदेकर यांच्या दोन्ही बहिणींना पुणे पोलिसांनी  (Pune Police)  अटक केली आहे.  वनराजचा खून करण्यासाठी त्याच्या बहिणींनी आणि मेहुण्यानं बनवला (Pune Crime News)  प्लॅन  होता.  संपत्तीच्या वादातून हा खून केल्याची माहिती आहे.  गेल्या अनेक दिवसांपासून त्यांच्यामध्ये प्रॉपर्टीचे वाद सुरू होते. सुसंस्कृत पुण्यात नेमकं चाललंय काय? असा प्रश्न सध्या खरंच ऐरणीवर आलाय.

वनराज आंदेकर यांच्या दोन्ही बहिणींना पुणे पोलिसांनी अटक केली  आहे.  वनराज चा खून करण्यासाठी त्याच्याच बहिणींनी आणि मेव्हण्यानी  प्लॅन बनवला होता. कौटुंबिक आणि संपत्तीच्या वादातून हा खून केल्याची माहिती आहे. गेल्या अनेक दिवसांपासून बहिणी आणि वनराजच्या वडिलांसोबत प्रॉपर्टी वरून वाद सुरू होते. काल जयंत आणि गणेश कोमकर यांनी मिळून सोमनाथ गायकवाड याला सांगून वनराजचा काटा काढायचं ठरवल. संध्याकाळी 8.30 वाजता नाना पेठेत वनराजवर गोळीबार करत कोयत्याने हल्ला केला होता.

'तुला पोरं बोलवून ठोकतेच', बहिणीने दिली होती धमकी 

गणेश कोमकर हा आंदेकर यांचा जावई आहे.  त्याला नाना पेठेतील एक दुकान दिले होते. महापालिकेने अतिक्रमण कारवाईमध्ये हे दुकान पाडले. त्यानंतर कुटुंबामध्ये वादाला सुरुवात झाली. आंदेकर कुटुंबाच्या आशिर्वादानेच गणेश कोमकर हा गुंडगिरी करीत होता. गणेश कोमकर याने स्वत:ची गँग तयार केली होती. एका भांडणामध्ये मध्यस्थी करून भांडणे मिटवल्याच्या तसेच दुकानाचे अतिक्रमण पाडायला लावल्याचा रागातून बहिणीने वनराज यांना 'तुला पोरं बोलवून ठोकतेच' अशी धमकी दिली होती.  त्यानंतर वनराज यांच्यावर हल्ला झाला. त्यातच त्यांचा मृत्यू झाला. या घटनेमुळे पुण्याच्या गुन्हेगारी विश्वासह राजकीय वर्तुळात खळबळ उडाली आहे. 

आंदेकर याच्यावर एका पाठोपाठ 5 गोळ्या झाडल्या

गणेश कोमकर याने या अगोदर शिवसेना शहर प्रमुच रामभाऊ पारेख यांच्यावर अ‍ॅसिड हल्ला केला होता. वनराज आंदेकर याला आपल्यावर हल्ला होऊ शकतो, याची जाणीव होती. त्यामुळे तो सतत आपल्या टोळीतील मुलांच्या घोळक्यात वावरत असे. रविवारी घरगुती कार्यक्रम असल्याने त्याच्याबरोबर  मुले नव्हती. घरातील कार्यक्रम संपल्यानंतर तो रात्री साडेआठ वाजण्याच्या सुमारास डोके तालीम जवळील अशोक चौकातील कार्यालयाजवळ येऊन थांबला होता. त्याच्याबरोबर एक नातेवाईकही होता. त्याचवेळी 5 ते 6 दुचाकीवरुन 10 ते  12 हल्लेखोर आले.  

हे ही वाचा: