बारामती: गरज सरो आणि वैद्य मरो अशी अशी म्हण आपल्याकडे प्रचलित आहे. आता हीच म्हण राजकारनात तर सर्रास लागू होते. लोकसभेच्या निवडणुकीत सुप्रिया सुळे यांचे जीव ओतून काम केलं. परंतु सुप्रिया सुळे यांनी आता दुर्लक्ष केली असल्याची तक्रार घटक पक्षच्या कार्यकर्त्यांनी पक्षश्रेष्ठी यांच्याकडे केली आहे. पुरंदर, बारामती, इंदापूर आणि दौंड या भागातील कार्यकर्त्यांनी सुप्रिया सुळे यांची तक्रार संजय राऊत यांच्याकडे करण्यात आलेली आहे. आणि तक्रार करताच सगळ्या कार्यकर्त्याची मिटिंग सुप्रिया सुळे लावणार असल्याचं त्यांनी स्वतः सांगितलं आहे. त्याच्यामुळे स्थानिक स्वराज्य संस्थांच्या निवडणुकी डोळ्यासमोर असताना महाविकास आघाडीतील हे नाराजी नाट्य समोर आला आहे.
काही महिने पाठीमागे जाऊन बघितल्यास बारामती लोकसभा मतदारसंघाकडे अवघ्या देशाचे लक्ष लागलं होतं. ननंद विरुद्ध भावजय अशी लढत या बारामती लोकसभा मतदारसंघात होत होती. निवडणूक अत्यंत चुरशीची होती आणि प्रत्येक कार्यकर्ता आपला युतीधर्म पाळण्याचा प्रयत्न करत होता. सुप्रिया सुळे यांना निवडून आणण्यासाठी जीवाचं रान केल सुप्रिया सुळे निवडून आल्या आणि सुप्रिया सुळे यांनी आमच्याकडे दुर्लक्ष केलं अशी तक्रार शिवसेनेच्या कार्यकर्त्यांनी पक्षश्रेष्ठी यांच्याकडे केले आहे.
सुषमा अंधारे यांनी अशी तक्रार करताच अशी माहिती मीडियात देताच सुप्रिया सुळे यांनी सावध पवित्रा घेत लवकरच महाविकास आघाडीची तसेच जे नाराज आहेत त्यांची एकत्र बैठक घेणार असल्याची माहिती एबीपी माझाशी बोलताना दिली. बारामती लोकसभा मतदारसंघात एकूण सहा विधानसभा मतदारसंघ आहेत. त्यातील चार विधानसभा मतदारसंघातील शिवसेनेच्या पदाधिकाऱ्यांची तक्रार असल्याचं सुषमा अंधारे यांचे म्हणणं आहे. इंदापूर, दौंड, बारामती, पुरंदर या विधानसभा मतदारसंघातील शिवसेनेच्या कार्यकर्त्यांची नाराजी असल्याचं सुषमा अंधारे यांनी सांगितलं.
परंतु ही नाराजी का आहे हे शोधून काढण्यासाठी सुप्रिया सुळे देखील पुढे सरसावल्या आहेत. परंतु जर सुषमा अंधारे यांनी मला आधी सांगितलं असतं तर याचविषयी मी आधीच बोलले असतं असा खोचक टोला देखील सुप्रिया सुळे यांनी लगावलाय.
बारामती लोकसभा मतदारसंघात सुप्रिया सुळे यांच्या पुढे घरातूनच आव्हान देण्यात आलं होतं. सुप्रिया सुळे यांच्या विरोधात त्यांची भावजय सुनेत्रा पवार या उभ्या ठाकल्या होत्या. संपूर्ण यंत्रणा अजित पवारांसोबत होती सुनेत्रा पवार यांना निवडून आणण्यासाठी बारामती लोकसभा मतदारसंघातील चार आमदार अजित पवारांच्या बाजूने होते. तर दोन आमदार सुप्रिया सुळे यांच्या महाविकास आघाडीतील अशा प्रतिकूल परिस्थितीत देखील सुप्रिया सुळे यांचा विजय झाला. आणि सुप्रिया सुळे दीड लाखाच्या फरकाने निवडून आल्या.
निवडून आल्यानंतर मित्र पक्षाची गरज संपली. शिवसेनेच्या कार्यकर्त्यांना सुप्रिया सुळे सामावून घेत नसल्याची तक्रार शिवसैनिकांनी पक्षश्रेष्ठींकडे केली आहे. आता सुप्रिया सुळे यांनी लवकरच या नाराज कार्यकर्त्यांची नैतिक जबाबदारी घेत बैठक देखील घेणार असल्याचं सांगितले. परंतु जर कार्यकर्त्यांना जर आधीच विश्वासात घेतलं असतं तर ही नाराजी निर्माण झाली असती का? बैठक घेऊन देखील त्यांची नाराजी दूर होईल का हा खरा प्रश्न आहे?