पुण्यातील एका महाविद्यालयाच्या कॅन्टीनमध्ये ते दोघं काम करत होते. कॅन्टीन मालकानेच त्यांना राहण्यासाठी एक खोली दिली होती. या खोलीत ढेकूण झाल्यामुळे तीन दिवसांपूर्वी पेस्ट कंट्रोल करण्यात आलं होतं. त्यानंतर तीन दिवस ते एका मित्राच्या घरी जाऊन राहिले होते. मंगळवारी रात्री ते परत आपल्या खोलीवर आले होते.
बुधवारी बराच वेळ झाला तरी कामावर न आल्याने कॅन्टीन मॅनेजरने त्यांच्या खोलीवर येऊन पाहिलं. तेव्हा रुमचा दरवाजा आतून बंद होता. खिडकीतून पाहिलं असता दोघंही झोपलेले दिसले.
कॅन्टीन मॅनेजरने दरवाजा तोडून आत प्रवेश केला आणि दोघांनाही रुग्णालयात दाखल केलं. तपासणीअंती डॉक्टरांनी दोघांनाही मृत घोषित केलं. दोघांचेही मृतदेह शवविच्छेदनासाठी ससून रुग्णालयात पाठवण्यात आले आहे. या प्रकरणी एपीआय सुर्यवंशी अधिक तपास करत आहेत.