पुण्यातील धायरीमध्ये राहत्या घराजवळ चिमुरडीचा मृतदेह सापडला. शनिवारी रात्री बारा वाजताच्या सुमारास तिचं अपहरण करण्यात आलं होतं.
या प्रकरणी तिच्या आई वडिलांनी सिंहगड रोड पोलिसांत तक्रार दिल्यानंतर गुन्हा दाखल करण्यात आला होता. मात्र रविवारी सकाळीच तिचा मृतदेह आढळून आला.
धायरीतील प्रायोजा सिटीमागे स्थानिकांना एका लहान मुलीचा मृतदेह आढळला. त्यांनी सिंहगड पोलिसांना याबाबत माहिती दिल्यानंतर पोलिस घटनास्थळी दाखल झाले.
या प्रकरणी एका संशयिताला ताब्यात घेण्यात आलं असून सिंहगड रोड पोलिस पुढील तपास करत आहेत.