पुणे: पुण्यातल्या सिम्बॉयसिसमध्ये पदवीच्या तिसऱ्या वर्षात शिकणाऱ्या एका विद्यार्थ्यानं आत्महत्या केल्याची धक्कादायक घटना समोर आली आहे.

राहुल अनिल अगरवाल असं या विद्यार्थ्याचं नाव असून तो मूळचा नेपाळमधील असल्याची माहिती समजते आहे. राहुल आपल्या मित्रांसोबत एका रो हाऊसमध्ये राहत होता. बराच वेळ तो दरवाजा उघडत नसल्यानं त्याच्या मित्रांनी दरवाजा तोडला. तेव्हा राहुल गळफास लावलेल्या अवस्थेत आढळून आला.

राहुलनं नेमकी आत्महत्या कशामुळे केली याचं कारण अद्याप समोर आलेलं नाही. तसेच कोणतीही सुसाइड नोट सापडलेली नाही. त्यामुळे पोलीस या प्रकरणाचा कसून तपास करत आहेत.