दोन्ही बाजूच्या पालकांना लॉकडाऊनमुळे लग्नाला हजर राहणं शक्य झालं नाही. त्यामुळे त्यांनी स्थानिक पोलिसांनाच कन्यादान करण्याची विनंती केली. सैन्य अधिकाऱ्यांच्या विनंतीला मान देऊन पुणे पोलिसांनी देखील लॉकडाऊनमधलं हे आगळं वेगळं लग्न पार पाडलं. हडपसर पोलिस स्टेशनचे पोलिस निरीक्षक रमेश साठे , पोलिस उपनिरीक्षक प्रसाद लोणारे आणि पोलिस उपायुक्त सुहास बावचे यांच्यासह इतर पोलिस कर्मचारी या लग्नाला हजर होते. पोलिस उपनिरीक्षक मनोज पाटील आणि त्यांची पत्नी अश्विनी मनोज पाटील यांनी मुलीचं कन्यादान केलं.
दरम्यान पुणे शहरात कोरोनाबाधितांचा आकडा हा दिवसेंदिवस वाढत चालला आहे. पुण्यात आज आणखी 13 जणांचा रिपोर्ट कोरोना पॉझिटिव्ह आला आहे. त्यामुळे पुणे जिल्ह्यातील कोरोनाबाधितांचा आकडा 1 हजार 828 वर पोहोचला आहे. पुणे आरोग्य विभागाने दिलेल्या माहितीनुसार आणखी 13 जणांचे रिपोर्ट कोरोना पॉझिटिव्ह आले आहेत. त्यामुळे पुणे जिल्ह्यातील कोरोनाबाधितांचा आकडा 1815 वरुन 1828 वर पोहोचला आहे.