बैलगाडी शर्यत संघटनेचे पदाधिकारी आणि राज्यभरातले सदस्य बैलगाड्या घेऊन या आंदोलनात सहभागी होतील, अशी माहिती पदाधिकाऱ्यांनी दिली आहे. केंद्र आणि राज्य सरकारनं बैलगाडा शर्यत पुन्हा सुरु करण्यासाठी योग्य आणि ठोस पावलं उचलावीत, हा या आंदोलनाचा मुख्य हेतू आहे.
'पेटा' या प्राण्यांसाठी कार्य करणाऱ्या संघटेनवरच बंदी घालावी ही अखिल भारतीय बैलगाडा संघटनेची मागणी आहे. बैलगाड्या शर्यतींवर बंदीसाठी प्रयत्नशील असलेल्या पेटाचा निषेध करण्यात येत आहे.
बैलगाडी शर्यतीवर बंदी घालत शेतकऱ्यांवर अन्याय करण्यात आला आहे. त्यामुळे केंद्र सरकार तसेच राज्य शासनाने बैलगाडी शर्यत पुन्हा सुरु करण्यासंदर्भात ठोस निर्णय घेत सर्व अडथळे दूर करावेत, अशी मागणीही या आंदोलनाद्वारे केली जाणार आहे.