पुण्यानंतर आता पिंपरी-चिंचवडमध्येही पार्किंगसाठी पैसे मोजावे लागणार

स्थायी समितीने ‘पे अँड पार्क’चे धोरण सर्वसाधारण सभेत मांडले होते. विरोधकांसह भाजपच्याही काही नगरसेवकांनी यातील कमतरता दाखवून दिली. भाजपची अंतर्गत गटबाजी यानिमित्ताने समोर आली.

पिंपरी चिंचवड : पुण्यानंतर आता पिंपरी चिंचवडकरांनाही रस्त्यांवर दिवस-रात्र वाहन पार्क करायला पैसे मोजावे लागणार आहेत. यावर आज झालेल्या सर्वसाधारण सभेत सशर्त मंजुरी देण्यात आली.

स्थायी समितीने ‘पे अँड पार्क’चे धोरण सर्वसाधारण सभेत मांडले होते. विरोधकांसह भाजपच्याही काही नगरसेवकांनी यातील कमतरता दाखवून दिली. भाजपची अंतर्गत गटबाजी यानिमित्ताने समोर आली.

सध्या शहराची लोकसंख्या 22 लाख आहे. 2011 च्या तुलनेत वाहनांची संख्या पावणे नऊ लाखाने वाढली असून ती आता पावणे सोळा लाखाच्या घरात पोहोचली आहे. लोकसंख्या आणि वाहनांची वाढलेली संख्या पाहता पार्किंगची समस्या शहराली भेडसावत आहे. त्यामुळे पालिकेच्या सर्वच रस्त्यांवर दिवस-रात्रीसाठी ‘पे अँड पार्क’च्या धोरणाला सशर्त मंजुरी देण्यात आली.

नव्या धोरणानुसार पार्किंगचे दर :

वाहन           दिवसा (तासाला)       रात्री ११ ते सकाळी ८           रात्रीसाठी (वार्षिक)

दुचाकी          दोन रुपये                 पाच रुपये                      1 हजार 825

रिक्षा            सहा रुपये                 15 रुपये                         5 हजार 475

चारचाकी        10 रुपये                 25 रुपये                       9 हजार 125

टेम्पो            10 रुपये                  25 रुपये                         9 हजार 125

मिनी बस      15 रुपये                 38 रुपये                       13 हजार 688

ट्रक              33 रुपये                 55 रुपये                       20 हजार 075

खाजगी बस    39 रुपये              58 रुपये                       35 हजार 588