पुणे : पुण्यातील कोथरूड डेपो परिसरात असलेल्या मेट्रो कारशेड भागात फायरिंग झाल्याचा प्रकार उघडकीस आला आहे. यात एका कर्मचाऱ्याला गोळी लागल्याने किरकोळ जखमी झाला आहे. तर या ठिकाणी काही काडतुसे देखील सापडली आहेत. कोथरुड परिसरात असलेल्या मेट्रोच्या कारशेडमध्ये काम सुरू आहे. अनेक कामगार त्याठिकाणी काम करत असतात. काम सुरू असताना सुमारास अचानक बंदुकीच्या गोळ्यांचा आवाज आला. तर एक गोळी येथील कर्मचाऱ्याच्या पायाला चाटून गेली. यामध्ये हा कर्मचारी किरकोळ जखमी झाला आहे.
या ठिकाणी फायरिंग कुणी केली, बंदुकीच्या गोळ्या नेमक्या कुठून आल्या याचा तपास पुणे पोलीस करीत आहेत. या ठिकाणी सापडलेल्या गोळ्या नेमक्या कुठल्या आहेत, कुणी फायर केल्या, कुठल्या बंदुकीतुन फायर केल्या त्याचा तपास पुणे पोलिस करत आहे. या गोळ्या शेडमधून आत आल्या. या घटनेत एक कर्मचारी गंभीर जखमी झाला असून त्याला रुग्णालयात हलविण्यात आले आहे. ही घटना आज दुपारी घडली. पोलिसानी घटनास्थळी धाव घेतली आहे.
गोळीबाराबद्दल अद्याप काहीच माहिती नाही
दुपारी मेट्रो शेडमध्ये काम करीत असताना पत्र्यावर अचानक गोळ्यांचा आवाज झाला. यातील काही गोळ्या पत्र्याला छेदून आतमध्ये आल्या. यातील एक गोळी कर्मचाऱ्याला लागली आहे. त्याला तातडीने रुग्णालयात हलविण्यात आले. दरम्यान, ही गोळी एके 47 किंवा तत्सम रायफलची असावी असा अंदाज पोलिसानी व्यक्त केला आहे. मेट्रोचे अधिकारीही याविषयावर बोलणे टाळत आहेत.