पुणे: रक्षाबंधनाच्या दिवशी रूपाली चाकणकर यांच्यावर दुःखाचा डोंगर कोसळला आहे. रूपाली चाकणकर यांच्या मावसभावाचे रक्षाबंधनाच्या दिवशी निधन झाले. महिला आयोगाच्या अध्यक्षा रुपाली चाकणकर यांचा मावस भाऊ बाळराजे माळी यांचे काल (शनिवारी) निधन झाले. रूपाली चाकणकर यांनी सोशल मीडियावर आपल्या भावाला श्रद्धांजली वाहिली आहे. माझ्या लाडक्या भावाला अखेरचा निरोप, असं म्हणत चाकणकर यांनी सोशल मिडिया वर पोस्ट शेअर केली आहे. बाळराजे माळी हे चाकणकर यांचे लाडके आणि जवळचे मावस भाऊ होते. त्यांचं व्यक्तिमत्त्व अतिशय मनमिळाऊ आणि प्रेमळ होतं, त्यामुळं त्यांना कुटुंबात आणि मित्रपरिवारात विशेष मान होता. त्यांच्या निधनाची बातमी समजताच सर्वांनी हळहळ व्यक्त केली आहे.
रूपाली चाकणकर यांनी आपल्या मावस भावाच्या निधनाची बातमी सोशल मीडियावर शेअर केली. त्यांनी आपल्या पोस्टमध्ये लिहिले आहे, "माझ्या लाडक्या भावाला अखेरचा निरोप…" या भावनिक शब्दांसह त्यांनी आपल्या भावासोबतचे फोटो शेअर केले आहेत. रक्षा बंधनासारख्या नात्यांच्या आणि प्रेमाच्या या सणाच्या दिवशीच ही दुःखद घटना घडल्याने चाकणकर यांच्यासह संपूर्ण कुटुंबाला हा मोठा धक्का बसला आहे. विविध राजकीय, सामाजिक आणि महिला संघटनांकडून बाळराजे माळी यांच्या निधनाबद्दल शोक व्यक्त करण्यात येत आहे"
चाकणकरांनी आपल्या पोस्टमध्ये म्हटलंय, बाळराजे, रक्षाबंधनाच्या दिवशी तुझं असं सोडून जाणं प्रचंड वेदनादायक आहे. अफाट प्रेम, प्रचंड काळजी घेणारा तू, मनापासून सगळं बोलणारा, असं कसं न सांगता निघून गेला. न सांगता गेलास…..काय आणि कशी श्रद्धांजली वाहू.