पुणे : पुणे शहर परिसरातील रेल्वे (Pune Railway Block) प्रवास करणाऱ्यांसाठी एक मोठी आणि महत्वाची बातमी आहे. पुण्यामध्ये उद्या शनिवारी आणि रविवारी (25, 26 नोव्हेंबर) रेल्वेमहामार्गावर विशेष मेगा ब्लॉक राहणार आहे. या मेगा ब्लॉकमुळे पुणे रेल्वेने काही गाड्या रद्द केल्या आहे तर काही गाड्यांची वेळ बदलली आहे. काही गाड्यांचे मार्ग बदलण्यात आले आहे. त्यामुळे पुणे मुंबई प्रवास करणाऱ्या प्रवाशांनी रेल्वे संदर्भातील माहिती घेऊनच प्रवास करावा, असं आवाहन रेल्वे प्रशासनाकडून करण्यात आलं आहे.
पुण्यामध्ये (Pune) शनिवारी आणि रविवारी रेल्वेचा मेगा ब्लॉक राहणार आहे. खडकी आणि शिवाजीनगर रेल्वेस्थानक या दरम्यान इलेक्ट्रॉनिक इंटरलॉकिंगच्या कामासाठी येत्या शनिवारी आणि रविवारी हा विशेष मेगा ब्लॉक घेण्यात येणार आहे. या मेगा ब्लॉकमुळे अनेक गाड्या रद्द करण्यात आल्या असून काही गाड्यांच्या वेळाही बदलण्यात आल्या आहेत.
मेगाब्लॉक काळात पुणे-मुंबई दरम्यान धावणाऱ्या डेक्कन क्वीन, सिंहगड एक्स्प्रेस, इंटरसिटी, कोयना, डेक्कन एक्स्प्रेस (Deccan Queen, Sinhagad Express, Intercity, Koyna and Deccan Express) या गाड्या रद्द झाल्या आहेत. त्याचबरोबर लांब पल्ल्याच्या अनेक गाड्या उशिराने धावणार असून, काहींच्या वेळाही बदलण्यात आल्या आहेत. तसेच पुणे ते लोणावळा दरम्यान धावणाऱ्या लोकलच्या 46 सेवा रद्द केल्या आहेत.
दरम्यान, रविवारी सकाळी मुंबईहून येणारी इंटरसिटी एक्स्प्रेस, डेक्कन एक्स्प्रेस, कोयना एक्स्प्रेस या गाड्या रद्द करण्यात आल्या आहेत. तसेच पुण्याहून मुंबईला जाणाऱ्या सिंहगड एक्स्प्रेस, डेक्कन क्वीन, इंटरसिटी, कोयना एक्स्प्रेस, डेक्कन एक्स्प्रेस या गाड्या रद्द करण्यात आल्या आहेत. तसेच मुंबईकडे जाणाऱ्या अनेक गाड्यांच्या वेळाही बदलण्यात आल्या आहेत.
या कारणामुळे गाड्या रद्द...
पुणे विभागातील लोणावळा ते पुणे मार्गावर खडकी ते शिवाजीनगर दरम्यान यार्ड आणि स्वयंचलित सिग्नलचे काम करण्यात येणार आहे. त्यामुळे खालील गाड्या रद्द/वळवण्यात येतील/ पुणे विभागातील लोणावळा ते पुणे मार्गावरील खडकी ते शिवाजीनगर दरम्यान 22 ते 26 नोव्हेंबर या कालावधीत नॉन इंटरलॉकिंग आणि नॉन इंटरलॉकिंग चे काम, मिलिटरी यार्डचे इंटरलॉकिंग आणि स्वयंचलित सिग्नलचे काम होणार आहे. प्रवाशांनी झालेल्या गैरसोयीसाठी प्रशासनाला सहकार्य करावे आणि कृपया रेल्वे चौकशी यंत्रणेवर गाडीची सद्यस्थिती तपासून पहावी, असे आवाहन करण्यात आले आहे.
इतर महत्वाची बातमी-